Golu rua husi Manu Aman Mbappé lori Fransa manán Senegal 3-1
DILI, 17 Juñu 2026 (TATOLI)—Jogadór fitun husi klube Real Madrid mantein nia performe hamutuk ho Selesaun Nasionál Fransa, Kylian Mbappé, marka golu rua (2) iha jogu Kopa Mundiál FIFA 2026 bainhira hasoru adveráariu Senegal ho rezultadu ikus 3-1.
Jogu dahuluk husi grupu I ne’e realiza iha Estádiu New York New Jersey, East Rutherford, kuarta madrugada ne’e, vitória monu ba Fransa tanba Kylian Mbappé hatama golu rua (2) no Bradley Barcola hatama golu ida (1), enkuantu jogadór Senegal Ibrahim Mbaye mós hetan oporunidade hatama golu ida (1).
Ho vitória ida-ne’e, lori Selesaun Nasionál Fransa Vitória ne’e hatuur Fransa iha primeiru lugar iha Grupu I iha Kopa Mundiál 2026 ho pontu tolu (3) husi jogu ida.
Derrota ida-nee’e halo Senegal sai hanesan pontu ikus husi Grupu I la hetan pontu husi jogu ida.
Jogu entre Fransa kontra Senegal ne’e lidera husi árbitru Alireza Faghani, mai ho nasionalidade rua Austrália no Iraun, bainhira huu árbitu dahuluk, jogu la’o no jogadór sira lansa kedan kontra-arake ba malu tuir tékniku no abilidade ida-idak nian.
Iha kontra-atake ne’e, Senegal kria oportunidade dahuluk husi jogu ne’e liuhusi suta bola husi Nicolas Jackson, ne’ebé kona baliza fransés, maibé la rezulta golu.
Fransa la nonook, iha minute balun responde ho kontra-atake ho tékniku oioin maibé seidauk iha oportunidade prodús golu tanba defeza Fransa nian forma an hanesan lutu harii metin, dudu la bao in no suta bola mós la borus tanba sira sólidu tebes.
Bainhira primeira parte besik atu ramata, Senegal kria tan oportunidade ida, iha tempu kursiál liuhusi Ismaila Sarr maibé nia suta bola semo dook liu liu trave.
Tama ba segunda parte, Fransa koko sai ho presaun maka’as liu nó hetan oportunidade liuhusi jogadór Michael Olise ninia suta bola, maibé suta ne’e sei salva husi guarda-rede Senegal nian ne’ebé guarda hela husi Edouard Mendy.
Iha biban ne’e, jogadór Fransa Kylian Mbappé mós ameasa Senegal nia baliza, maibé Mendy halo salvasaun ida tan hodi tahan golu ne’e.
Esforsu Fransa nian ikus mai fó rezultadu iha minutu 66, bainhira suta maka’as Mbappé nian tama liu rede laran Senegál hodu muda eskore ba 1-0.
Hakat liu minute balun de’it, Senegal hatán ho golu no halo empata liuhusi Nicolas Jackson, maibé golu ne’e la bele sura tanba ninia pozisaun offside.
Fransa duplika sira-nia vantajen ba 2-0 hafoin Adrien Rabiot nia kruzamentu hasoru hosi Bradley Barcola iha minutu 82.
Tama ba tempu deskansa nian iha segunda parte, Senegal mantein esperansa ba tempu badak hodi hamenus golu liuhosi suta Ibrahim Mbaye nian hodi muda rezulatdu ba 2-1 iha minutu 90+5.
La to’o minutu ida, Fransa hanaruk nia vantajen liuhusi golu daruak Mbappé nian, hodi taka vitória Les Bleus nian ho 3-1.
Fransa (4-3-3)
(16) Mike Maignan, (5) Jules Kounde, (4) Dayot Upamecano, (17) William Saliba, (19) Theo Hernandez, (8) Aurelien Tchouameni, (14) Adrien Rabiot, (11) Michael Olise, (7) Ousmane Dembele, (20) Desire Doue, (10) Kylian Mbappé.
Senegál (4-3-3)
(16) Edouard Mendy, (25) El Hadji Malick Diouf, (19) Moussa Niakhate, (3) Kalidou Koulibaly, (15) Krepin Diatta, (26) Pape Gueye, (5) Idrissa Gana Gueye, (8) Lamine Camara, (10) Sadio Mane, (11) Nicolas Jackson, (18) Ismaila Sarr.
Jornalista : Hortêncio Sanchez
Editór : Cancio Ximenes
