DILI, 17 Juñu 2026 (TATOLI)—Selesaun Nasionál Noruega hahú jogu Kopa Mundiál FIFA 2026 hodi halakon Irake 4-1 iha jogu Grupu I, ne’ebé realiza iha Stadion Boston, Foxborough, Massachusetts, Kuarta (17 Juñu 2026) dadeer ne’e.
Jogadór Erling Haaland sai protagonista prinsipál ba nia nasaun tanba nia marka golu rua iha minutu 29 no 43 hodi lori Noruega lidera 2-0 iha primeira parte.
Iha minutu dalima, Irake ameasa defeza noruega ho kabesa husi Aymen Hussein, maibé Aymen nia bola liuhus kabesa ne’e semo liu trave noruega nian ne’ebé labele rezulta golu.
Hafoin iha minutu 12, Irake ameasa fali baliza noruega, dala ida ne’e liuhusi suta husi Ali Al Hamadi, maibé nia suta husi área penalidade adversáriu nia laran liuhusi trave noruega nian.
Iha minutu 20, to’o ona turnu Noruega hodi ameasa baliza irakianu maibé Erling Haaland nia kabesa sa’e aas liu trave Irake nian.
Iha minutu 29, ikus mai Noruega hakat liu bainhira jogadór Haaland lansa nia sutu bola tama liu rede laran, hahú husi kontra-atake ne’ebé organizadu ho di’ak, Antonio Nusa ho matenek haree defeza eskerda Noruega nian David Moller Wolfe ne’ebé taka malu rezultadu ba 1-0.
Maibé jogu la’o to’o iha minutu 39, Irake halo empata ho kabesa husi Aymen Hussein. Golu ne’e mai husi Ali Jassim nia enjeñu, bainhira nia haree Amir Al Ammari ne’ebé laiha marka iha área penalidade noruega nia ninin.
Al Ammari hafoin ne’e entrega pasajen ida-ne’ebé maka’as ba kaixa. Aymen Hussein halai liu defeza noruega sira no fila ba uma hodi halo empata ho 1-1.
Maibé, iha minutu 43, Noruega hetan fali vantajen liuhusi golu daruak Erling Haaland nian. Golu ne’e mosu tanba erru iha defeza Irake nian durante preparasaun, ne’ebé Haaland konverte rezultadu muda ba 2-1.
Laiha golu seluk to’o jogu primeira parte ramata, Noruega nafatin lidera provizóriu ho golu 2-1 hasoru Irake.
Iha inísiu husi segunda parte, Irake ameasa kedas ho atake ida, ne’ebé kulmina ho kabesa ida husi Aymen Hussein. Maski nune’e, Aymen Hussein nia kabesa ne’e lori bola semo dook de’it husi sorin loos husi baliza Noruega nian.
Iha minutu 63, Irake ameasa fila-fali baliza Noruega nian liuhusi suta Hussein Ali nian, maibé nia suta ne’e bola semo liu de’it trave.
Maibé, iha minutu 76, Noruega hasa’e sira-nia vantajen ba 3-1 ho kabesa husi Leo Ostigard hafoin suta kantu husi nia kolega ida.
Iha minutu 83, Erling Haaland iha oportunidade hodi halo nia hat-trick hasoru Irake. Maibé, nia suta ho distánsia besik hetan blokeiu husi guarda-rede irakianu.
Iha minutu 90+7, Noruega aumenta sira-nia vantajen ba 4-1 liuhusi Kristian Thorstvedt nia kabesa, ne’ebé dezvia hosi Aymen Hussein hafoin Haaland nia asisténsia ho kabesa. Golu ne’e hetan konsiderasaun hanesan auto-golu husi Aymen Hussein. Nune’e to’o árbitru huu árbitu final, Noruega manan ho 4-1 hasoru Irake.
Husu vitoria ne’ebé Noruega konkista, lori nasaun ne’e tur iha tabela klasifikasaun leten liu ho pontu tolu iha grupu I, tuir kedan Fransa pontu hanesan ho Noruega maibé diferensa golu no ikus liu Irake.
Irake (4-4-2)
(12) Jalal Hasan, (3) Hussein Ali, (4) Zaid Tahseen, (5) Akam Hashim, (23) Merchas Doski, (8) Ibrahim Bayesh, (16) Amir Al-Ammari, (24) Z. Ismael, (17) Ali Jasim, (18) Aymen Hussein, (9) Ali Al-Hamadi.
Noruega (4-3-3)
(1) Ø. Nyland, (5) D. Møller Wolfe, (17) T. Heggem, (3) K. Ajer, (26) Julian Ryerson, (14) Fredrik Aursnes, (8) Sander Berge, (10) Martin Odegaard, (20) Antonio Nusa, (9) E. Haaland, (7) Alexander Sorloth.
Jornalista : Hortêncio Sanchez
Editór : Cancio Ximenes
