DILI, 18 Juñu 2026 (TATOLI)—Kopa Mundiál 2026 sai sasin ba mudansa poder futeból mundiál. Nasaun sira husi Azia hanesan Japaun, Korea Súl, Austrália, Nova Zelándia, no husi Afrika hanesan Kabu Verde, RD Kongu, Maroku no seluk tan, hahú doko futeból Europa nia fuan.
Sira mai iha palku mundiál la’ós atu kompete de’it no halo rai nia naran. Maibé atu hatudu katak sira mós iha kualidade. Maski tinan hirak liubá dala barak sira monu iha faze grupu, maibé edisaun ne’e sira hamrik kokorek iha futeból kontinente azúl nia leten.
Durante tinan barak ema hanesan Afrika ho Azia de’it atu partisipa. Nasaun sira kontinente rua ne’e sempre konesidu ho ki’ak barak. Sim, sira kiak iha materiál, iha infraestrutura. Maibé sira la’ós kiak iha talentu.
Ohin sira prova katak futeból nia hun mai husi Europa, maibé ema husi Azia no Afrika mós hatene tebe bola. Sira estuda matéria futeból modernu, joga uza kakutak, la’ós de’it forsa fíziku. Resultado iha kampu hatudu hotu.
Sira (Husi Kontinente Ázia no Áfrika) sempre monu iha palku Kopa Mundiál liuhusi viajen naruk. Tan ne’e, vitória ne’ebé sira rekolla husi empata no manán iha faze grupu sente hanesan ultrapasa pontu vitoria ne’ebé boot.
Hanesan reprezentante Ázia no Áfrika halakan esperansa katak ki’ik la’os tenke moris husi tradisaun boot, maibé husi disiplina no brani. Perante poténsia ida husi poténsia futeból sira seluk Europa nian, Austrália, Korea Súl no Japaun prova katak anin husi kosta súl mós bele doko kontinente azúl (Europa no Amerika Latina) nia torre futeból.
Sira nia, Selesaun Nasionál, susesu iha sira nia jogu dahuluk Grupu Kopa Mundiál FIFA 2026 bainhira halakon no empata ho adversáriu liuhusi jogu ne’ebé realiza iha Estádiu sira iha kontinente Amérika.
Rezultadu haloEuropa no Amérika Latina fuan moras
Rezultadu iha faze grupu hatudu ona forsa foun ne’e:
Japaun 1-1 Olanda: Samurai Azul seguru pontu 1 hasoru finalista Kopa Mundiál 2010
Korea Súl 2-1 Repúblika Cheka: Taeguk Warriors manán ho estratégia matenek
Austrália 3-2 Turkia: Socceroos hatudu efisiénsia atake nian
RD Kongu 1-1 Portugal: Estratejia matenek imlede CR7 nia Seleasaun
Kabu Verde 0-0 España: Tubaraun Azul tahan Lamine Yamal nia fitun
Maroku 1-1 Brazíl: Singa Atlas tahan Samba nia majia
Qatar: Na’ok pontu importante ida hafoin mantein Suisa ho empata 1-1.
Pontu sira ne’e la’ós sorte de’it. Sira maka prova katak distánsia entre bo’ot ho ki’ik iha futeból dadaun ne’e tun makaas.
Fueból modernu la’ós ona Segredu ba sira nia susesu:
- Estrutura di’ak: Japaun ho Korea investe iha akademia joven nian tinan 20 nia laran.
- Jogadór diaspora: Kabu Verde ho Maroku uza forsa jogadór ne’ebé moris iha Europa.
- Tátika matenek: Sira la joga kabun-laran de’it. Sira joga uza kakutak, kontra-atake, no disiplina defensivu makaas.
Dalabarak ema hanoin sira atu monu bebeik. Maibé agora sira maka halo Europa no Amerika Latina ulun moras.
Ohin sira hamrik la’ós atu partisipa de’it. Sira luta atu hetan vitória. Objetivu la’ós atu tama de’it kuartu-finál Kopa Mundiál. Maibé atu hatudu ba mundu katak futeból nia futuru la’ós iha de’it Europa no Amerika Latina.
Hahú halo jogu beibeik hodi hamonu podér tradisionál sira. Iha ne’e maka detalle sira hosi mapa kompetisaun nian no ninia rejistu istóriku:
- Áfrika (CAF) vs Amérika Latina no Europa Tendénsia Istóriku sira: Ekipa Afrikanu sira dala barak halo susar ba jigante Europeu no Amérika Latina, maibé rejistu manan agregadu nian kaer nafatin hosi kontinente rua meka futeból nian. Realizasaun Di’ak Liu: Realizasaun aas liu hosi nasaun afrikanu ida maka to’o iha kuartu-finál no meia-finál. Maroko halo istória boot iha 2022 hanesan nasaun afrikanu dahuluk ne’ebé maka to’o iha meia-finál. Antes ne’e, konkista di’ak liu mak kaer husi Kamerun (1990) no Senegal (2002) ne’ebé konsege hakat ba kuartu finál.
- Ázia (AFC) vs Amérika Latina & Europa Tendénsia Istóriku sira: Europa no Amérika Latina domina ona rejistu enkontru sira hasoru nasaun sira Ázia nian, maibé lakuna ida-ne’e redús ona ho signifikativu iha edisaun oioin. Realizasaun Di’ak Liu: Realizasaun aas liu hosi ekipa aziátiku ida maka to’o iha meia-finál iha Tasa Mundiál 2002 bainhira Koreia-Súl sai hanesan kuartu. Aleinde ne’e, reprezentante aziátiku sira hanesan Japaun dala barak fó problema ba jigante europeu no súl-amerikanu sira.
- Mapa Forsa Foun (Tasa Mundiál 2026) Iha Tasa Mundiál 2026, reprezentante aziátiku no afrikanu sira hala’o ho esepsionál hodi blokeia ekipa europeia no latino-amerikanu sira ne’ebé forte iha faze grupu nian.
Reprezentante aziátiku na’in-neen konsege rejista rekorde pozitivu ida hodi lakon iha jogu dahuluk sira hasoru ekipa sira hosi Europa. Website ofisiál FIFA nian fornese klasifikasaun ikus liu, rejistu sira torneiu nian, no estatístika sira ne’ebé detallu ba nasaun hotu-hotu iha mundu.
Jornalista : Hortêncio Sanchez
Editór : Cancio Ximenes
