DILI, 18 Juñu 2026 (TATOLI)—Ekipa selesaun Nasionál Kolombia “La Tricolor” susesu iha jogu Kopa Mundiál 2026 hodi manán Ekipa Selesaun Nasionál Uzbekistaun.
Kolombia halakon Uzbekistan 3-1 iha jogu dahuluk iha Grupu K ne’ebé realiza iha Mexico City Stadium, Mexico City, Kinta (18 Juñu 2026) dadeersan ne’e.
Kolombia hahú hatama golu liuhusi jogadór Daniel Munoz iha minute 40 hafoin Uzbekistaun halo empata ho rezulatdu 1-1 iha minutu 60.
Kolombia sente la seguru, tenke joga hakaas aan, liu de’it minutu haat ba minutu 65 jogadór Luis Diaz marka golu hodi hametin Kolombia nia vitoria ba 2-1 no iha minutu 90+9 no jogadór J. Campaz hatama tan golu ikus 3-1.
Ho vitória ida-ne’e, Kolombia okupa pozisaun klasifiksaun peovizóriu Grupu K Kopa Mundiál 2026, nune’e Luiz Diaz ho nia kolega sira haknauk pontu tolu (3) husi jogu dahuluk ne’e.
Entretantu, Uzbekistan okupa iha pozisaun tabela ida ikus-liu ka iha okos liu ho pontu zero (0).
Uzbekistaun (3-4-2-1): Utkir Yusupov; Rustam Ashurmatov, Abdukodir Khusanov, Abdulla Abdullaev; Bekhruz Karimov, Akmal Mozgovoy, Otabek Shukurov, Sherzod Nasrullaev; Abbosbek Fayzullaev, Oston Urunov; Eldor Shomurodov
Treinadór: Fabio Cannavaro
Kolombia (4-2-3-1): Camilo Vargas; Daniel Munoz, Davinson Sanchez, Jhon Lucumi, Johan Mojica; Gustavo Puerta, Jefferson Lerma; James Rodriguez, Jhon Arias, Luis Diaz; Luis Suarez
Treinadór: Nestor Lorenzo
Jornalista : Hortêncio Sanchez
Editór : Cancio Ximenes
