DILI, 21 Juñu 2026 (TATOLI)–Samurai Azúl (Japaun) hatudu nia forsa iha Kopa Mundiál 2026. Japaun konsege halakon Tunízia 4-0 iha Grupu F. Iha Estádiu Monterrey, Guadalupe, Mesiku, Japaun hatudu sira-nia jogu brillante ho vitória absoluta, iha Domingu meiudia oras Timor-Leste nian.
Ho dezempeñu brillante husi Ayase Ueda no sistema ne’ebé funsiona ho di’ak, Japaun konsege halakon Tunízia no avansa ba ronde tuirmai. Estilu atake ne’ebé diversu no modernu husi treinadór Hajime Moriyasu nia ekipa la fó espasu ba ekipa afrikanu ne’e.
Vitoria 4-0 ne’e afirma Japaun nia dominasaun iha Grupu F. La’ós de’it rezultadu boot, maibé mós mensajen klaru, Samurai Azúl mai atu kompete to’o rohan.
Sira (Japaun) mai iha palku mundiál la’ós atu kompete de’it no foti naran. Maibé atu hatudu katak sira mós iha kualidade. Maski tinan hirak liubá dala barak sira monu iha faze grupu, maibé edisaun ne’e sira hamrik kokorek iha futeból kontinente azúl nia leten.
Notísia relevante : Austrália-Japaun-Korea Súl “halo ahi” iha faze grupu Kopa Mundiál 2026
Durante tinan barak ema husu Ázia de’it atu partisipa. Nasaun sira kontinente Ázia sempre konesidu ho kiak barak. Sim, kiak iha materiál, iha infraestrutura. Maibé sira la’ós kiak iha talentu.
Ohin sira prova katak futeból nia hun mai husi Europa, maibé ema husi Azia mós hatene tebe bola. Sira estuda matéria futeból modernu, joga uza kakutak, la’ós de’it forsa fíziku. Rezultadu iha kampu hatudu hotu.
Sira (Japaun) sempre monu iha palku Kopa Mundiál liuhusi viajen naruk. Tan ne’e, vitória ne’ebé sira rekolla husi manán 4-0 kontra Tunízia iha faze grupu sente hanesan ultrapasa pontu vitoria ne’ebé boot.
Hanesan reprezentante Ázia halakan esperansa katak kiik la’os tenke moris husi tradisaun boot, maibé husi disiplina no brani. Perante poténsia ida husi poténsia futeból sira seluk Europa nian, Japaun prova katak anin husi Ázia mós bele doko kontinente azúl (Europa no Amérika Latina) nia torre futeból.
Japaun asegura vitória ida ne’ebé maka’as hasoru Tunízia. Atake preventivu ida ne’ebé lalais hanesan kilat-musan husi Samurai Blue.
Bainhira apitu abertura lian, Japaun ataka, hodi buka vantajen lalais. Presaun ne’ebé mak sufoka paraliza defeza tunizia nian. Iha minutu daruak, Ayase Ueda hetan falta husi Ellyes Skhiri iha area penalti. Maski VAR halo intervensaun no laiha penalti ne’ebé maka fó, ida-ne’e sai hanesan alerta ida ne’ebé maka’as kona-ba saida maka Tunízia sei hasoru.
Iha minutu dahaat, senáriu perfeitu ba ekipa Japaun nian konkretiza. Hafoin movimentu sobrepozisaun ida-ne’ebé koordenadu ho di’ak iha flanku karuk, Keito Nakamura halai ba área penalidade nian molok halo kruzamentu ida ne’ebé halai sees husi defeza opozisaun tomak.
Importante atu nota katak jogadór na’in-lima ho kór-azul maka hanehan baliza Tunízia nian iha situasaun ida-ne’e, hodi kria presaun numérika ne’ebé maka’as tebes. Daichi Kamada iha fatin loos iha tempu loos hodi hatama bola ba rede hosi distánsia besik, hodi halo 1-0.
Bainhira jogu la’o iha stuasaun manas liu, jogadór Ayase Ueda nia atuasaun mesak
Hafoin marka golu dahuluk, Japaun la hatudu sinál atu hamenus. Sira kontrola kompletamente meiu-kampo no kontinua lansa atake sira. Iha minutu 10, Ueda kuaze duplika vantajen bainhira nia suta la to’o iha liña baliza molok guarda-rede Dahmen bele halo reasaun.
Maibé, avansadu Feyenoord nian la presiza hein kleur. Iha minutu 31, simu bola iha pozisaun nakloke besik área penalidade, Ueda kontrola ho di’ak antes lansa suta maka’as ida ho distánsia dook ba kantu leten. Bola ne’e la’o ho forsa no kurva ne’ebé mak Dahmen nia tentativa hotu atu salva ida-ne’e sai saugati de’it. Eskore 2-0 reflete ho loloos dominasaun unilaterál iha primeira parte.
Ueda nia golu impresionante ajuda Japaun duplika sira nia vantajen. Tunízia nia monu no implikasaun tátika sira. Iha segunda parte, Tunízia tenta substituisaun sira, lori Ben Hmida no Gharbi iha tentativa ida atu kria avansu ida. Maibé, Japaun nia defeza kompaktu no presaun maka’as hamate rezisténsia ruma hosi parte norte-afrikanu. Japaun joga ho ritmu ne’ebé relaxadu maibé nafatin sai ameasa iha tranzisaun hotu-hotu.
Iha minutu 69, serbisu ekipa nian ne’ebé maka’as aumenta golu ba 3-0. Tanaka haruka bola naruk ida liuhosi defeza, no Ueda hatudu nia vizaun esepsionál ho backheel ida ne’ebé delikadu, hodi kria oportunidade ida-ba-ida ba Junya Ito.
Ho golu tolu, jogadór tunizianu sira sai frustradu liután. Aleinde ne’e, Hajime Moriyasu nia defeza hala’o jogu ne’ebé kompaktu, hodi halo susar ba opozisaun atu tama.
Kapitaliza ba erru ida husi defeza tunizianu sira, Japaun marka sira nia golu dahaat iha minutu 83, kortezia hosi kabesa ne’ebé Ayase Ueda halo. Hasoru Kaishu Sano nia kruzamentu ne’ebé di’ak, Ueda kabesa bola liu Guarda-Rede no defeza tunizianu sira. Japaun hetan golu 4-0.
Hafoin rezultadu ne’e, jogadór japunéz sira kaer bola ba tempu balun, hodi koko atu hetan abertura sira, enkuantu Tunízia la konsege kria tan oportunidade.
Eskor 4-0 la muda to’o árbitru huu apitu finál. Derrota ida-ne’e mós halakon Tunízia hosi Tasa Mundiál 2026, tanba lakon jogu rua tuituir malu iha Grupu F.
Rezultadu ne’e mós fó vantajen ba Japaun atu hetan billete hodi hakur ba jornada 35 Kopa Mundiál 2026.
Jogadór sia husi Tunízia
Aymen Dahmen; Dylan Bronn (Ben Hamida 46), Montassar Talbi, Omar Rekik; Yan Valery, Anis Slimane, Ellyes Skhiri, Ali Abdi; Elias Saad (Ismael Gharbi 46), Hannibal Mejbri; Sebastian Tounekti (Firas Chaouat 65).
Jogadós sira husi Japaun
Zion Suzuki; Takehiro Tomiyasu, Ko Itakura, Hiroki Ito; Ritsu Doan (Yukinari Sugawara 74), Kaishu Sano, Ao Tanaka, Keito Nakamura; Daichi Kamada (Junnosuke Suzuki 74), Junya Ito; Ayase Ueda.
Jornalista : Hortêncio Sanchez
Editora : Julia Chatarina
