Dili, 23 Juñu 2026 (TATOLI) – Primeiru Ministru Malázia, Datuk Seri Anwar Ibrahim, hato’o sentida kondolénsia ba falesimentu Antigu Prezidente Repúblika, Francisco Guterres ‘Lú Olo’.
“Ha’u sente triste ho Eis Prezidente Timor-Leste, Francisco Guterres nia mate. Lori Malázia nia naran, ha’u hato’o sentidu kondolénsia ba nia família no ba povu Timor-Leste,” Anwar Ibrahim, hato’o liuhusi ninia pájina ofisiál ne’ebé Ajénsia TATOLI asesa, segunda ne’e.
Prezidente Guterres nu’udar jerasaun ne’ebé manán Timor-Leste ninia independénsia. Nia hala’o tinan barak iha rezisténsia, iha ne’ebé nia sai koñesidu ho naran Lú-Olo, no depois serbí nia rain nu’udar Prezidente Parlamentu Nasionál no nu’udar Xefe Estadu.
Liuhusi buat hotu ne’e, nia nafatin dedikadu ba liberdade nia povu nian no ba kriasaun nasaun demokrátiku ida.
Malázia halo lutu ba nia mate hamutuk ho povu timoroan. Nia sei hanoin iha-ne’e ho respeitu no afetu.
Notísia relevante: Governu sei dekreta lutu nasionál ba Antigu Prezidente Lú Olo nia falesimentu
TATOLI
