DILI, 23 Juñu 2026 (TATOLI)—Noruega asegura vitória liuhusi rezultadu 3-2 hasoru Senegal no ho rezultadu ida-ne’e asegura sira, hamutuk ho Fransa, husi Grupu I hodi hetan billete avansa ba Jornada 32 Kopa Mundiál 2026.
Derrota ne’ebé nasaun afrikanu enfrenta konfirma Senegal nia eliminasaun. Jogu Grupu I entre Noruega no Senegal hala’o iha Estádiu MetLife iha Nova Jersey, Estadu Unidu, tersa dadeer oras Timor-Leste nian.
Bainhira jogu hahú Noruega mosu fiar-an hafoin manán sira-nia jogu anteriór. Maske nune’e, ekipa ne’ebé treina husi Stale Solbakken luta nafatin atu harahun baliza Senegal nian to’o deskansa iha primeira parte.
Jogu la’o ho ritmu lais, Noruega halo atake ne’ebé maka’as, enkuantu Senegal halo defensivu akompaña ho atake maibé ho velosidade naton.
Noruega besik atu hetan vantajen iha minutu 37 liuhusi Martin Odegaard nia golu ne’ebé simu pasajen perfeitu husi Erling Haaland iha área penalidade nia lara hodi suta maibé hetan blokeiu husi guarda-redesSenegal Eduardo Mendy.
Liutiha minutu balun, Senegal fó ameasa maibé sira-nia atake la konsege prodús golu ida.
Ho esforsu ne’ebé laiha kolen, Noruega ikus mai lori vantajen 1-0 iha minutu 43 liuhusi Marcus Holmgreen Pedersen. Golu ne’e mosu tanba hahú ho erru ida husi Kalidou Koulibaly bainhira lori bola, no bola ne’ebé namlele hetan kontrolu husi Marcus Pedersen. Pedersen lansa ho fasil suta ida-ne’ebé maka’as ba guarda rede Eduardo Mendy la konsege blokeia. Eskoru 1-0 ba Noruega.
Noruega kontinua aplika presaun to’o intervalu. Iha minutu 45+3, Erling Haaland kuaze aumenta vantajen Noruega nian maibé nia suta kona poste. Haaland kontinua fó ameasa ba baliza senegalés, maibé dala ida-ne’e guarda-rede Eduardo Mendy alerta tebes hodi hadook bola.
Erling Haaland ikusmai hetan oportunidade hafoin deskansa. Hahú husi kontra-atake lalais, Martin Odegaard halo pasajen ida-ne’ebé sukat iha baliza senegalés nia oin. Haaland ho fasil hatama bola liu guarda-rede senegalés, hodi halo 2-0. Termina primeira parte.
Lakon ho golu rua, iha segunda parte Senegal joga ho agresivu liu. Oportunidade ida mosu iha minutu 51 liuhosi Nicolas Jakson. Maibé, nia kabesa husi kruzamentu ida dezvia liuhusi guarda-rede noruegués Orjan Nyland.
Senegal ikus mai hamenus défisit iha minutu 53 liuhusi Ismaila Sarr rezultadu muda ba 2-1. Maski nune’e, defeza Senegal ne’ebé ladún di’ak halo sira konsege fali iha minutu 57. Erling Haaland marka golu is tan hafoin konverte pasajen perfeitu ida husi Patrick Berg iha kaixa penalidade adversáriu nian. Eskoru 3-1 ba Noruega.
Senegal koko atu luta hasoru, maibé Sadio Mane ho nia kolega sira hetan negasaun ho fasil.
Iha minutu 87, Haaland besik atu kompleta nia hat trick. Maski nune’e, ninia ramata husi área penalti nia laran hetan blokeiu husi defeza senegalés ida. Noruega halo fali presaun ba baliza Senegal nian. Maibé, jogadór suplente Oscar Bobb estraga oportunidade ida iha baliza senegalés nia oin, nia suta liu de’it trave.
Maske nune’e, Senegal ikus mai hamenus eskoru ba 3-2 iha minutu 90+3 liu husi Ismaila Sarr. To’o apitu finál, skor 3-2 ba vitória Noruega.
Jogadór husi Noruega
Orjan Nyland, Julian Ryerson, Kristoffer Ajer, Torbjorn Heggem, David Moller Wolfe, Sander Berge, Fredrik Aursnes, Martin Odegaard, Alexander Sorloth, Erling Haaland, Antonio Nusa.
Jogadór husi Senegal
Edouard Mendy, Krepin Diatta, Kalidou Koulibaly, Moussa Niakhate, El Hadji Malick Diouf, Pape Gueye, Idrissa Gueye, Ismaila Sarr, Lamine Camara, Sadio Mane, Nicolas Jackson.
Jornalista : Hortêncio Sanchez
Editór : Cancio Ximenes
