DILI, 24 Juñu 2026 (TATOLI)—Atakante selesaun nasionál Inglatera, Harry Kane, lakon oportunidade osan-mean no falla marka golu iha minutu ikus kontra Gana iha Kopa Mundiál 2026, lori Inglatera fahe pontu ho Gana 1-1 ho empata 0-0.
Notísia Relevante: Kopa Mundiál 2026: Inglatera lulun Kroasia 4-2
Jogu daruak faze grupu iha Grupu L Kopa Mundiál 2026 entre Inglatera kontra Gana ne’e, hala’o iha Estádiu Boston, kuarta (23 Juñu 2026) dadeer oras Timor-Leste.
Primeira parte husi jogu Inglaterra hasoru Gana ramata ho empata lahó golu. Inglaterra domina jogu maibé laiha suta ba alvu hasoru Gana.
Iha segunda parte, Inglatera tenta aumenta sira-nia atake maibé sira-nia tentativa atu atake Gana iha inísiu segunda parte la hetan susesu tanba kontra-atake Gana nian kuaze halo Inglaterra tauk hafoin suta Marvin Senaya nian hetan blokeiu iha minutu 50.
Inglaterra hatán ho suta ida husi Noni Madueke iha minutu 57, maibé hetan blokeiu husi jogadór adversáriu ida.
Ikus mai Three Lions hetan suta dahuluk iha alvu iha minutu 58 hafoin suta Anthony Gordon nian, ne’ebé rebota husi ninin área penalidade nian, salva husi guarda-rede Benjamin Asare.
Inglaterra iha oportunidade barak liu atu marka golu iha segunda parte duké iha primeira parte, ne’ebé iha tentativa uitoan de’it. Iha minutu 62, Elliot Anderson nia kabesa husi área penalidade nia laran husi pasajen Decline Rice nian maibé la rezulta golu.
Liutiha minutu ida, suta Anderson nian husi área penalidade nia li’ur semo dook husi parte karuk husi baliza Gana nian iha minutu 63.
Ghana nia defeza sólidu ho bloku kiik obriga Inglaterra atu tiru boba beibeik husi área penalidade nia-li’ur. Iha minutu 69, Harry Kane nia suta ne’e hetan impedimentu husi Asare.
Jogadór suplente Bukayo Saka koko nia sorte hodi sobu baliza Gana nian maibe Saka nia kabesa husi área penalti nia laran dook liu baliza iha minutu 70.
Iha minutu ikus jogu nian, Inglaterra iha oportunidade lubuk ida. Primeiru, Saka nia suta ho ain-karuk ba kantu kraik loos husi baliza Gana nian hetan para husi Asare iha minutu 86.
Inglaterra nia hetan oportunidade barak, jogdór Harry Kane koko atu kapitaliza rebote O’Reilly nian, ne’ebé lansa sutu iha área penalidade Gana nian maibé la fó rezultadu to’o árbitu ikus lian hodi termina jogu.
Husi rezultadu ne’e lori Ingaltera okupa pozisaun dahuluk tabela klasifikasaun provizóriu grupu L ho pontu haat, Gana iha pozisaun daruak ho pontu haat maibé diferensa golu. Enkuantu Panama ho Kroasia okupa pozisaun ikus liu ho pontu mamuk.
Tanba ne’e, iha jogu daruak ne’e seidauk deside ekipa sé mak atu avansa ba jornada 32 Kopa Mundiál, nune’e iha jogu ikus faze grupu mak foin deside ekipa se mak atu avansa.
Jogadór husi Inglatera
Jordan Pickford; Reece James, Ezri Konsa, Marc Guehi, Djed Spence, Declan Rice, Elliot Anderson, Noni Madueke, Jude Bellingham, Anthony Gordon, Harry Kane.
Jogadór husi Gana
Benjamin Asare; Marvin Senaya, Jonas Adjetey, Jerome Opoku, Gideon Mensah, Caleb Yirenkyi, Thomas Partey, Kwasi Sibo, Inaki Williams, Jordan Ayew, Antoine Semenyo.
Jornalista : Hortêncio Sanchez
Editór : Cancio Ximenes
