DILI, 24 Juñu 2026 (TATOLI)—Kroasia susesu iha jogu daruak faze grupu L hodi dudu-sees Panamá husi Grupu L ho golu úniku 1-0, iha Kopa Mundiál 2026 ne’ebé hala’o iha Estádiu Toronto, kuarta (23 Juñu 2026) dadeeran oras Timor-Leste nian.
Notísia Relevante: Kopa Mundiál 2026: Inglatera lulun Kroasia 4-2
Vitória ida-ne’e fó oprtunidade ba Kroasia hodi kualifika ba jornada 32. Agora sira iha oportunidade hanesan ho Inglaterra no Gana, ne’ebé mak provizóriu lidera Grupu L.
Kroasia uza sira nia farda kuadradu mean no mutin, hili jogu ida ho kuidadu. Luka Modric ho nia kolega sira la sai kedas agresivu iha minutu lima dahuluk.
Liutiha minutu 10, tensaun husi jogu hahú sa’e. Iha tempu hanesan, Panamá nia jogadór mós hahú manas. Funu ida iha meiu-kampu mak sai brillante liu ho bola kabuar.
To’o meia-ora, ekipa rua ne’e rejista de’it tiru tolu. Husi jogadór na’i- tolu ne’e iha ida de’it mak kona iha alvu. Maski nune’e, Panama nia tiru sira ladún perigozu hodi fó amesa ba Kroasia.
Ho minutu lima husi tempu normál ne’ebé maka sei iha, Kroasia haka’as an maka’as iha sorin karuk, maibé defeza Panamá nian mantein maka’as hodi kaer meton Modric ho nia kolega sira.
Iha tempu ne’e árbitru Perre Atcho husi Gabon huu árbitu finál ba finál primeira parte nian, seidauk marka golu mno Kroasia sei luta hela atu kapitaliza nia vitória.
Hafoin intervalu, Kroasia lori kedas jogadór foun sira, inklui Ante Budimir, hodi troka Petar Musa, ne’ebé maka laiha suta ida iha primeira parte.
Substituisaun ida-ne’e hatudu susesu. Budimir marka golu iha minutu 54, hodi konverte kruzamentu Josip Stanicic nian husi parte loos ka karuk defeza Panamá nian ho eskor 1-0 ba Kroasia.
Liutiha minutu tolu, iha minutu 57, kontra-atake ida husi Modric husik Marco Pasalic ida hasoru guarda-rede. Infelizmente, Pasalic laiha kalma ikus la rezulta golu.
Molok deskansa hidratasaun nian, iha minutu 68, Dominik Livakovik halo salvasaun tolu tuituir malu. Obrigadu ba nia serbisu ne’ebé maka’as, Kroasia ho pozisaun ne’ebé klaru.
Iha minutu 10 ikus jogu nian, Kroasia kontinua halo presaun no Panamá mós harii ho ativu atake sira maibé laiha golu ida mak marka to’o tempu regulamentu nia rohan.
Jogadór husi Panamá
Oriando Mosquera; Jiovany Ramos, Jose Cordoba, Andres Andrade; Amir Murillo, Carlos Harvey, Edgar Barcenas, Cesar Blackman; Cristian Martinez, Jose Fajardo, Jose Luis Rodriguez
Jogadór husi Kroasia
Dominik Livakovic; Josip Stanisic, Josip Sutalo, Marin Pangracic, Josko Gvardiol; Luka Modric, Mateo Kovacic; Mario Pasalic, Martin Baturina, Ivan Perisic; Petar Musa
Jornalista : Hortêncio Sanchez
Editór :Cancio Ximenes
