DILI, 25 Juñu 2026 (TATOLI)—Jogu faze Grupu C termina, Brazíl sai vensedór ho pontu hitu (7) hafoin halakon Eskósia 3-0 iha Kopa Mundiál 2026. Jogu ne’e realiza iha Estádiu Miami Gardens, Florida, Kinta (25 Juñu 2025) dadeer oras Timor-Leste nian.
Iha Grupu C ne’e, Brazíl mak lidera no Maroko rekolla mós pontu hitu maibé diferensa golu, nune’e Brazíl mak sai vensedór no ekipa rua ne’e automatikamente avansa ona ba jornada 32.
Iha primeira parte, Brazil lidera daudaun ona ho 2-0 tanba golu rua hosi Vinicius Jr. Brazil nia vantajen barak liu tanba dezempeñu ne’ebé ladi’ak husi defeza Eskósia nian. Liña kotuk halo erru ida-ne’ebé mak karun, hodi permite Brazil atu marka golu.
Iha preparasaun ba golu dahuluk, Scott McKenna halo sala bainhira nia suta hetan blokeiu husi Rayan. Bola ne’ebé tun iha baliza nia oin, no Vinicius to’o antes guarda-rede Eskósia, Angus Gunn.
Vinicius ultrapasa Gunn no hatama bola ba rede ne’ebé nakloke. Brazil lidera ona 1-0 hafoin de’it minutu hitu.
Vinicius hafoin ne’e duplika vantajen iha tempu adisionál iha primeira parte. Vincius nia kabesa, husi pasajen ida husi Bruno Guimaraes, halo nakdoko baliza Eskósia nian.
Golu ne’e mós tanba erru husi defeza Eskósia nian. Presaun Brazil nian permite kontrola bola iha defeza Eskósia nian, lori ba kruzamentu Guimaraes nian, ne’ebé Vinicius hetan.
Rezultadu 2-0 iha intervalu fó Brazil inísiu ida-ne’ebé kalma liu iha segunda parte. Ekipa Samba hafoin ne’e aumenta sira-nia vantajen iha minutu 60 liu husi Matheus Cunha.
Golu ida-ne’e hatudu Brazil nia jogu atake ne’ebé maka’as. Bruno Guimaraes, livre hafoin simu bola liuhusi, hili atu pasa bola ba Matheus Cunha, ne’ebé halai ba kaixa penalidade. Cunha la halo sala kona-ba oportunidade hodi suta ba rede.
Iha minutu 75, Neymar tama hodi troka Cunha nia fatin. Ida-ne’e mak jogu dahuluk Neymar nian iha Kopa Mundiál 2026 nian.
Hafoin tama, Neymar koko hala’o papél ativu iha atake Brazil nian. Maske nune’e, eskor mantein 3-0 to’o jogu ramata.
Jogadór Eskósia
Angus Gunn; Nathan Patterson, Jack Hendry, Scott McKenna, Andy Robertson; Lewis Ferguson, Kenny McLean; Ben Gannon Doak, Scott McTominay, John McGinn; Lawrence Shankland
Jogadór Brazil
Alisson; Danilo, Marquinhos, Gabriel Magalhaes, Douglas Santos; Bruno Guimaraes, Casemiro, Lucas Paqueta; Rayan, Matheus Cunha, Vinicius Jr.
Jornalista : Horténcio Sanchez
Editór : Cancio Ximenes
