DILI, 26 Juñu 2026 (TATOLI)—Bispu Dioseze Baukau, Dom Leandro Alves, hateten saudozu Francisco Guterres Lú Olo mak Timor-Leste nia osan-mean no hanesan líder ezemplár ba timoroan sira tanba durante ne’e sakrifika nia an ba luta libertasaun nasionál.
”Saudozu hanesan aman di’ak ida ba timoroan no ezemplar di’ak ba familia no nasaub. Nia la’o sees an husi ita-nia leet. Nia hanesan osa-mean Timor nian tanba nia halo buat hotu, sakrifika nia an no durante tinan 24 okupasaun Indonesia to’o rai ne’e hetan indepedénsia,’ ‘Dom Leandro Alves hateten iha nia omilia bainhira prezide misa requiem ba saudozu Francisco Guterres Lu Olo, iha igreja Maria Imaculada da Conseição katedral, ohin.
Agardese, nia dehan, saudozu Lú Olo dedika nia an tomak no sakrifika an durante tinan 24 luta ba libertasaun nasionál iha ai-laran ba povu ida-nia direitu ab autpdeterminasaun..
”Ohin, ita hamtuk iha ne’e, hamutuk ho saudozu Lú Olo, ohin tama mai igreja ikus nian, hodi hahí maromak. Ita hotu agradese ba Maromak tanba mai ita-nia rain, ita-nia saudozu dedika nia an ba rai ida-ne’e,’ nNia esplika.
Nia haktuir, kualidade moris ne’ebe hatudu katak saudozu Lú Olo ne’e ema simples tanba ne’e mak Timor triste no tanis tanba lakon ema di’ak nune’e. Maibe hanesan sarani, Lú Olo hatudu nia fiar iha Maromak hahalok simples mai povu TL tomak.
“Mistériu mate hatudu laran moras mai ita, tanba mate fukit sai husi ita leet husi ema ne’ebé ita hadomi. Maibe momentu ne’ebé ita triste, ita labele satan mate ne’e maibé nia ba uluk hodi prepara fatin ba ita sira-ne’ebé sei moris,'” nia dehan.
Iha evanjellu ohi nian ne’e hateten, ema-ne’ebé mate ne’e fiar katak sei moris fila-fali.
”Ita-nia saudozu ne’ebé simu batizmu iha Jesus nia moris ba naftin. Ita-nia saudozu la presiza buat hotu maibé nia prezisa liu mak ita-nia orassun, tanba ita-nia orasaun mak domin no unidade ho nia,” nia dehan.
Husi realidade ida-ne’e, Bispu Baukau ne’e husu ba líder sira hotu-hotu atu hadomi malu tanba saudozu Ló Olo fila ona ba Aman Maromak nia kadunan santu nafatin fó maroman ba rai ida-ne’e ho domin no pás.
Tuir observasaun katak iha selebrassun misa requiem tuir ajenda misa hahu tuku 10h00 maibé seidauk too oras neebe mensiona sarani sira nakonu ona iha igreja hodi halo reza tersu to’o saudozu nia mate-isin to’o iha igreja no kontinua kedas misa.
Jornalista : Felicidade Ximenes
Editór : Cancio Ximenes
