DILI, 26 Juñu 2026 (TATOLI)—Kosta Marfim asegura sira-nia fatin iha Jornada 32 iha Kopa Mundiál 2026 hafoin Les Elephants halakon Curaçao ho 2-0 iha jogu ikus Grupu E nian.
Jogu ba ekipa rua realiza sesta madrugada oras Timor-Leste nian iha Estádiu, Lincoln Financial Field iha Filadélfia, Estadu Unidu Amérika.
Golu dahuluk prodús husi, Nicolas Pepe iha minutu hitu hodi fó esperansa ba nasaun afrikanu ne’e.
Pepe marka golu daruak hodi duplika vantajen Kosta Marfim nian iha minutu 64. Eskoru 2-0 mantén to’o jogu termjna, hodi garante kualifikasaun Kosta Marfim nian.
Vitória ne’e asegura kualifikasaun Kosta Marfim nian ba Jornada 32 nu’udar segubdu kapmeaun iha Grupu E iha Alemaña nia kotuk, ho ekipa rua ne’ebé empata ho pontu neen. Curação, iha klasifikasaun nia okos, hetan eliminasaun.
Bainhira jogu la’o ekipa rua lansa kedan kontra-atake ba malu tuir tékniku no abilidade ekipa ida-idak nian. Kosta Marfim lidera iha minutu hitu. Yan Diomande hatudu abilidade nó ninia pasajen hasoru husi Nicolas Pepe husi distánsia besik ba kantu loos husi baliza.
Esforsu Amad Diallo nian minutu tolu liutiha sai dook hosi poste karuk. Curação hatán ho suta dook husi Jurien Gaari, ne’ebé mós sai dook.
Diomande nia pasajen hasoru husi Amad iha pozisaun ne’ebé di’ak iha guarda rede nia oin. Maibé, nia suta iha minutu 19 sai dook ba liman-loos.
Curação koko ameasa iha minutu 40. Tahith Chong nia bola ho distánsia dook la hetan alvu. Liutiha minutu haat, Leandro Bacuna hetan oportunidade, maibé bola sai dook ba parte karuk hosi baliza. Ikus taka primeira parte ho golu úniku.
Kontinua ba segunda parte, Kosta Marfim duplika sira nia vantajen iha minutu 64. Pepe la hetan marka iha área penalidade nian no simu pasajen ida hosi Ibrahim Sangare, ho fasil hodi hatama bola ba iha kantu leten karuk.
Kosta Marfim kontinua mantein kontrolu ba jogu. Eskoru mantein 2-0 to’o jogu remata. Husi vitoria ne’e hamonu ona Curação tenke elemina husi Kopa Mundiál.
Curação nia jogadór
Room, Brenet, Gaari, Obispo, Fonville, Floranus, Chong, Comenencia (Antonisse 61′), Leandro Bacuna, Juninho Bacuna, Locadia.
Kosta Marfim nia jogadór
Fofana, Doue, Kossounou, Ousmane Diomande, Operi, Sangare, Kessie, Diallo, Pepe (Wahi 67′), Yan Diomande (Toure 67′), Bonny (Fae 67′)
Jornalista : Hortêncio Sanchez
Editór : Cancio Ximenes
