DILI, 28 Juñu 2026 (TATOLI) – Kolombia hatudu performe jogu ne’ebé kualidade no disiplina husi lina ba lina bainhira kontra Portugál iha jogu ikus grupu K, Kopa Mundiál 2026, iha ne’ebé Seleção das Quinas la konsege silu Kolombia no empata 0-0.
Estrela Portugál Cristiano Ronaldo ho nia amigu sira organiza jogu ne’ebé brillante maibé Kolombia la fó fatin, iha jogu ne’ebé realiza domingu dadeer, oras Timor-Leste nian, iha Estádiu Miami Gardens, Florida, Estadu Unidu Amérika (EUA).
Rezultadu ne’e signifika Portugál sei hasoru Kroásia iha jornada 32 no potensialmente hasoru España iha oitavu finál.
Presaun maka’as maibé defeza metin
Kolómbia ho aten-barani hala’o jogu nakloke ida husi Portugál hahú kedas iha inísiu. Ekipa rua iha oportunidade di’ak atu marka golu. Portugál, liu-liu iha minutu 15 finál husi primeira parte, halo Kolómbia hetan presaun maka’as. Ruben Neves, Bruno Fernandes, no João Felix hotu-hotu hetan oportunidade hodi ameasa baliza kolombianu. Maibé, skor 0-0 mantein to’o jogu primeira parte remata. Ekipa rua ne’e luta atu remata ho di’ak.
Tama ba segunda parte, jogu nakloke fila fali. Ekipa rua ne’e hatudu sira-nia determinasaun hodi manan Grupu K. Portugal lori Diogo Dalot no João Neves hanesan jogador foun hodi hasa’e sira nia kbiit ataka.
Liutiha minutu 15, laiha ekipa ida maka konsege marka golu. Cristiano Ronaldo lansa suta ida ho luan hosi pozisaun nakloke. Maibé, nia iha offside. Liutiha minutu rua, to’o ona Kolómbia nia turnu hodi lakon oportunidade ida. Richard Rios hasoru James Rodriguez nia kruzamentu, maibé nia suta sai dook.
Iha minutu 66, Santiago Arias iha oportunidade hodi halo remate. Maibé, nia suta hetan salvasaun hosi Diogo Costa. Liutiha minutu ida, iha onda atake sira ne’ebé hanesan, Gustavo Puerta nia suta sai de’it dook hosi poste loos.
Funu ne’ebé maka’as kontinua to’o minutu 10 ikus. Ekipa rua lori jogadór foun sira hodi mantein ritmu jogu nian. Iha minutu 86’, mosu besik malu iha kaixa penalidade Portugál nian. Luis Suarez lansa suta akrobátiku ida, maibé ida-ne’e liu baliza.
Bainhira jogu tama iha tempu adisionál nian, Davinson Sanchez, ne’ebé maka hakat ba oin, marka golu ho ulun. Maibé, golu ne’e la permite tanba nia offside. Kompetisaun mantein 0-0 to’o jogu remata. Portugál avansa ba jornada 32 nu’udar segundu klasifikadu iha grupu nian.
Entretantu, maske tenke masimu iha fatin daruak grupu nian, istória hatudu katak Portugál mak ekipa ida-ne’ebé sai forte liután liuliu iha faze eliminatóriu (knockout stage). Iha tinan-2016, bainhira sira manan Euro, Portugál mós labele manan kualker jogu iha grupu laran, maibé remata hodi hiit kopa.
Ho kombinasaun husi kapasidade – téknika, tatika, no estratéjia, foin-sa’e sira nian hanesan Vitinha, João Neves, no Renato Veiga, hamutuk ho esperiénsia no lideransa husi Cristiano Ronaldo—ne’ebé buka hela nia títulu ikus no boot liu iha ninia karreira—Portugál iha profundidade tátika ne’ebé sufisiente atu hakat liu Kroásia no dezafiu sira seluk. Defeza metin ne’ebé hatudu husi Diogo Costa no Ruben Dias sai hanesan baze fundamentál atu sira bele la’o dook to’o finál no lori tasa mundiál ne’e ba Lisboa.
Alineasaun jogadór
Kolómbia (4-3-3)
Camilo Vargas; Santiago Arias, Davinson Sanchez; John Lucumi, Deiver Machado; John Arias, Jefferson Lerma, Gustavo Puerta; James Rodriguez, John Cordoba, Luis Diaz
Portugal (4-2-3-1)
Diogo Costa; Joao Cancelo, Ruben Dias, Renato Veiga, Nuno Mendes; Ruben Neves, Vitinha; Pedro Neto, Bruno Fernandes, Joao Felix; Cristiano Ronaldo.
Jornalista: Hortêncio Sanchez
Editór: Rafael Ximenes de A. Belo
