DILI, 28 Juñu 2026 (TATOLI) – Kapitaun Arjentina Lionel Messi hatudu nia májiku hodi lori nia ekipa rekolla pontu sia husi jogu dala tolu iha faze grupu kopa Mundiál 2026. Iha jogu ikus Grupu J, Albiceleste konsege manán Jordania ho skoru 3-1 maski Messi foin tama iha minutu 60 maibé konsege duni prodús golu furak ida.
Jogu nasaun rua realiza iha Estádiu Dallas, Arlington, domingu meiudia oras Timor-Leste nian, konfirma Arjentina nu’udar kampaun absolutu iha Grupu J.
Iha jogu primeiru Arjentina kontra Aljeria manán 3-0 Messi mesak prodús golu, jogu segundu kontra Austria manán 2-0, Messi mesak prodús golu, husi vitoria hirak ne’e mak lori Arjentina ba jornada 32 ho pontu sia, hanesan kampeaun grupu J.
Husi rezultadu ne’e iha jornada 32 Arjentina sei kontra Tubaroês Azuis (Kabo Verde) hodi determina nasaun rua nia destinu atu ultrapasa ba oitavu finál Kopa Mundiál.
Bainhira árbitru fó ordena liuhusi hú apitu dahuluk, jogadór sira lansa kedan kontra no atake ba malu tuir tékniku no abilidade ekipa ida-idak nian oinsa atu prodús golu.
Arjentina nia golu dahuluk mai hosi Giovani Lo Celso. Lo Celso hatama golu ba baliza jordania nian ho bola livre iha minutu 19. Lo Celso nia suta furak ne’e halo guarda-rede Jordania Yazeed Abu Laila la bele ko’alia no salva la hetan.
Jogu la’o manas liutan, Arjentina halo joga loke ho mentalidade forte. Jordania halo kontra-atake maibé la másimu tanba Arjentina halo blokeia iha lina hotu.
Lautaro Martinez hafoin duplika vantajen iha minutu 31 husi penalidade. Lautaro marka golu ho esforsu ne’ebé maka furak, hodi ultrapasa guarda-rede jordanu.
Hafoin hetan vantajen ho golu rua, Arjentina la sai kontente. Sira halo kedas presaun husi inísiu segunda parte. Lautaro iha oportunidade atu marka golu, maibé iha pozisaun offside.
Iha situasaun ne’e, Jordánia halo Arjentina hakfodak, ne’ebé kontinua ataka. Liuhusi atake ne’ebé planeia ho di’ak uza pasajen badak, Jordan halo golu liuhosi Mousa Tamari, ne’ebé halo ligasaun ho kruzamentu husi Ehsan Haddad. Eskoru 1-2 iha minutu 55.
Momentu ne’ebé ema barak hein ikusmai to’o iha minutu 60. Lionel Messi tama hodi troka Lautaro Martinez. Messi lidera kedas atake Arjentina nian.
Iha minutu 65, Messi manán suta livre ida, maibé nia suta sa’e aas liu baliza.
Messi ikus mai aumenta vantajen iha minutu 80. Ninia suta livre halo Abulaila la hanoin fali. Bola ne’e tama ba rede, labele para hosi Abulaila ne’ebé maka atrazadu.
Eskoru mantein 3-1 to’o jogu remata. Arjentina remata faze grupu ho remata perfeitu lidera grupu ho pontu sia.
Alineasaun jogadór
Arjentina:
E Martinez, Tagliafico, Senesi, Otamendi, Simeone (Barco 71), Paz (Mac Allister 61), Paredes, Palacios, Lo Celso (Almada 60), L Martinez (Messi 60), Alvarez (Lopez 82)
Jordan:
Abulaila, Abu Dahab (Obaid 90), Al Arab, Nasib, Abu Taha, Al Rawabdeh, Al Rashdan (Jamous 76), Haddad, Fakhoury (Mardi 45), Olwan (Sharara 90), Azaizeh (Tamari 45)
Jornalista: Hortêncio Sanchez
Editór: Rafael Ximenes de A. Belo
