DILI, 29 Juñu 2026 (TATOLI)–Tribunál Judisiál Primeira Instánsia Dili, Segunda ne’e, hala’o interrogatóriu judisiál dahuluk ba arguidu na’in-61 ne’ebé suspeitadu ba kazu ilísitu scamming call center, ne’ebé opera iha Tibar.
Ministériu Públiku (MP) liuhusi Prokuradór Matias Soares, promove krime haat ba arguidu sira, ne’ebé Autoridade Seguransa halo buska no apreensaun iha Sesta (26/06) foin lalais.
MP rejista kazu ne’e ho NUK :227/26.PNSIK. Promove arguidu sira ho krime Asosiasaun Kriminozu previstu iha artigu 188, Esplorasaun Ilísitu ba Jogu previstu iha artigu 322, Brankamentu Kapitál previstu iha artigu 313 no Fraude Fiskál previstu iha artigu 314, husi Kódigu Penál Timor-Leste.
Notísia relevante : PNTL “sobu” scam call center iha Tibar no detein sidadaun estranjeiru na’in-61
Arguidu sira mak hanesan DRW, AV, HAA, GA, AW, MR, NU, SF, DAM, LH, RKL, AR, UHSD, WP, GS, AS, E, MIT, SDL, RH.
MI, SEBA, ARP, VR,FS, MS, MS, IM, AS, W, SR, MSFS, MAD, A, BF, MRS, ABS, R, JR, LTM.
FR,MR, R, AS, ACY, JRD, MRP, G, MRS, UR, SS, AM, KLT, S, R, RJ, K, AS,H no D.
Tribunál liuhusi Juiza Turnu Ercília de Jesus, daudaun ne’e halo identifiksaun ba arguidu na’in-rua (RW no AV).
Iha loron Sesta (26/06) dadeer maizumenus tuku 08:00, membru Polísia Nasionál Timor-Leste (PNTL) liuhusi Diresaun Servisu Investigasaun Kriminál (DSIK) deteta katak iha área Tibar, Postu Administrativu Bazartete, Munisípiu Likisá, iha fatin xineza balun iha ne’ebá halo atividade scam call center hodi bosok ema liuhusi meiu telemóvel.
Nune’e, Autoridade Seguransa momentu ne’ebá halo kedan apreensaun no buska hodi konsege detein suspeitu na’in-61 ne’ebé hanesan sidadaun estrannjeiru.
Iha atuasaun ne’e, membru Polísia konsege preende objetu krime hanesan laptop, telemóvel, ne’ebé sira arguidu sira uza hodi halo atividade elísitu.
Jornalista : Natalino Costa
Editór : Evaristo SOares Martins
