Jornada 16 Kopa Mundiál: Ronaldo vs Yamal, sé mak sei sai manu-aman?
DILI, 03 Jullu 2026 (TATOLI)—Portugál sei hasoru España iha jogu 16 Kopa Mundiál 2026 hafoin manan sira nia jogu 32 iha sesta madrugada oras Timor-Leste nian. Iha jogu ne’e konsidera hanesan Lamine Yamal versus Cristiano Ronaldo hodi hatudu sira ida-idak ninia abilidade jogu no sé mak sei sai hanesan manu-aman loloos.
Ekipa Selesaun Nasionál España avansa ba oitavu finál hafoin vitória 3-0 hasoru Áustria iha Estádiu Los Angeles. Golu tolu husi España marka husi Mikel Oyarzabal (golu rua) nó husi Pedro Porro.
Liutiha oras balun, Portugál asegura nia fatin iha oitavu hafoin hetan vitória 2-1 hasoru Kroásia. Golu rua Portugál nian marka husi Cristiano Ronaldo no Goncalo Ramos.
Tuir kalendáriu Kopa Mundiál 2026 nian, manan-na’in sira husi jogu 83 no 84 sei hasoru malu. Duelo Portugál-España sei hala’o iha Estádiu Arlington, Texas, Estadu Unidu, iha Segunda (7 Jullu) madrugada oras lokál Timor-Leste nian.
Ekipa rua ne’e hasoru malu dala rua ona iha istória Kopa Mundiál nian. Iha hasou malu ne’e ne’e, La Furia Roja mak iha vantajen. Ida-ne’e tanba España nunka lakon ho Portugál.
Enkontru dahuluk iha 2010 ramata ho rezutadu 1-0 ba España, no depois iha Kopa Mundiál 2018 ramata ho rezulatdu 3-3 iha faze grupu nian.
Jogu ne’e mós bele sai oportunidade vingansa ba Portugál. Aleinde ne’e, España, ne’ebé lakon iha jogu 33, la joga ho di’ak-liu.
Portugál mós ladún iha forma di’ak liu. Roberto Martinez nia ekipa seidauk konvense. Tanba ne’e, duelo Portugál-España ne’e hanesan, laiha diferensa.
Sé loos mak atu avansa ba kuartu finál Kopa Mundiál, ema hotu sei hein ho esperansa, liuliu adeptu Portugál no Esmpaña nian sira.
Jornalista : Hortêncio Sanchez
Editór : Cancio Ximenes
