DILI, 11 Jullu 2026 (TATOLI) – Selesaun Futeból Feto Timor-Leste la konsege rekolla pontu tolu iha jogu ASEAN Football Federation (AFF) 2026 ne’ebé realiza iha sesta-feira kalan, iha Estádiu Kuala Lumpur, Malázia, hafoin derrota 0-2 kontra Indonézia.
Ekipa Lafahek hatudu jogu brillante, maibé iha de’it minutu lima primeira parte la konsege salva jogu husi ekipa Garuda Pertiwi. Ekipa nasionál feto ne’e marka golu 1-0 iha primeira parte.
Golu husi Indonézia ne’e marka husi Estella Loupatty, ne’ebé suta ho ain-karuk no tama liubá rede Timor-Leste nian.
Indonézia kontinua halo presaun hafoin hetan vantajen 1-0. Maibé, lori tempu uitoan hodi hasa’e pontuasaun ba 2-0 iha primeira parte.
Selesaun Feto Indonézia duplika sira-nia vantajen iha minutu 28. Iha momentu ida-ne’e, to’o ona Emily Nahon nia turnu hodi prodús golu.
Selesaun feto kontinua dudu nafatin ba golu ida tan hasoru Timor Leste. Oportunidade oioin tan maka kria ona. Maibé, objetivu ne’ebé hein kle’ur ona nunka to’o. Pontu ikus mak 2-0, vitória ba Indonézia hasoru Timor Leste.
Vitória ne’e tau Selesaun Nasionál Feto Indonézia iha pozisaun dahuluk Grupu B Tasa Feto AFF 2026, ho Timor Leste iha tabela okos.
Timor-Leste tenke servisu maka’as liu atu hasoru jogu sira, basá iha jogu tuirmai sei kontra Kamboja.
Jornalista: Hortêncio Sanchez
Editora: Maria Auxiliadora
