DILI, 12 Jullu 2026 (TATOLI) – Arjentina kualifika bá meia-finál Kopa Mundiál 2026 hafoin halakon Suísa ho 3-1. Ekipa Tango sai hanesan ekipa ikus ne’ebé avansa.
Jogu ne’ebé hala’o iha Estádiu Kansas City iha Domingu meiudia oras Timor-Leste, sai hanesan asuntu ida ne’ebé maka’as. Ekipa rua ne’e remata ho empata 1-1 hafoin tempu regulamentu, hodi hanaruk jogu ba tempu adisionál.
Bainhira jogu hahú iha minutu normál Arjentina halo kedan presaun ba guarda rede Suísa, Mac Allister marka golu dahuluk bainhira simu bola pasa aas ida husi Lionel Messi, no Mac Allister utiliza nia ulun hodi hatama bola ba rede Suísa hodi muda rezultadu ba 1-0.
Suísa la nonook halo responde ba Arjentina nia atake, maibé susar atu ultrapasa defeza Arjentina nian, nune’e intervalu termina ho 1-0 ba Arjentina.
Hakat bá segunda parte, Suísa halo amesa barak ba rede Arjentina nian, sira hatudu jogu kualidade, ikus atu hetan vantajen iha minutu 50 maibé salva husi defeza Arjentina nian.
Sorte Suísa nian besik ona, iha minutu 67 Dam Dnoye halo jogu indivíduu husi liña karuk fura duni rede Arjentina nian, muda rezultadu ba 1-1.
Enkuantu sira halo presaun ativu ba La Albiceleste, Suísa obriga atu joga ho ema na’in-10 hafoin Breel Embolo hetan kartaun mean daruak tanba mergullu.
Maski iha vantajen numérika, Arjentina la konsege hakat liu baliza Suísa nian. To’o minutu 90 nia rohan husi tempu regulamentu nian, Arjentina konsege de’it suta dala tolu ba alvu.
Arjentina konsege hetan vantajen hasoru Suísa iha minutu 112. Julian Alvarez mak marka golu, eroi Arjentina nian.
Arjentina joga ho agresivu liu iha tempu adisionál. Oportunidade ida kria ona, maibé remate arjentinu ida husi área penaltu nian laran kona defeza suísu ida. Ekipa Tango iha tan oportunidade ida, maibé sira-nia esforsu hetan salvasaun husi guarda-rede Suísa Gregor Kobel.
Arjentina ameasa fali liuhusi T. Almada, maibé nia suta sai dook husi baliza Suísa nian.
Iha minutu 102, Lionel Messi hetan hamonu husi defeza Suísa ida iha kaixa penalidade nia oin. Árbitru fó kedas suta livre ida. Infelizmente, Messi nia suta kona parede Suísa nian.
Iha jogu nia klaran, Arjentina relaxa sira-nia jogu. Messi ho nia kolega sira kontinua joga ho pasiénsia, hodi kria oportunidade sira.
Maibé, númeru boot husi jogadór suísu sira iha defeza halo susar ba Messi ho nia kolega sira atu kria oportunidade sira. Arjentina ikusmai halakon impase liuhusi Julian Alvarez. Nia suta ho distánsia dook hetan blokeiu husi guarda-rede Suísa G. Kobel pontu 2-1 ba Arjentina.
Suísa kontinua atu avansa hodi tenta taka lakuna. Maibé, joga ho na’in-10 halo La Nati susar atu dezenvolve sira-nia jogu.
Lautaro Martinez aumenta vantajen Arjentina nian iha intervalu nia rohan. Arjentina manán ho 3-1 no hakat ba meia-finál.
Husi rezultadu ne’e obriga Arjentina tenke hasoru Inglaterra iha meia-finál iha semana oin hodi hadau malu bá finál.
Alineasaun
Argentina (4-1-3-2):
Emiliano Martinez (PG); Nicolas Tagliafico, Lautaro Martinez, Cristian Romero, Nahuel Molina; Leandro Paredes; Alexis Mac Allister, Enzo Fernandez, Rodrigo de Paul; Julian Alvarez, Lionel Messi.
Suís a(4-2-3-1):
Gregor Kobel (PG); Denis Zakaria, Nico Elvedi, Manuel Akanji, Ricardo Rodriguez; Remo Freuler, Granit Xhaka; Dan Ndoye, Fabian Rieder, Djibril Sow; Breel Embolo.
Jornalista: Hortêncio Sanchez
Editora: Maria Auxiliadora
