Projetu “Suai Supply Base” iha ona faze finál prosesu aprovizionamentu
DILI, 13 Jullu 2026 (TATOLI)—Ministru Planeamentu Investimentu no Estratejiku, Gastão Sousa, hateten projetu kona-ba Suai Supply Base (SSB) iha ona faze finál prosesu aprovizionamentu tanba presiza kompleta tan dokumentu balun molok lori ba debate iha reuniaun Konsellu Ministru.
Notísia Relevante: Timor GAP indemniza komunidade afetada ba Projetu Suai Supplay Base
“Internamente kona-ba pontu balun ne’ebé ami presiza kompleta hanesan finansiamentu no seluk tak ne’ebé vigora iha regra aprovizionamentu,” Ministru Planeamentu Investimentu no Estratéjiku, Gastão Sousa, hateten ba jornalista sira iha Palásiu Governu, ohin.
Se agora iha faze finál prosesu aprovizionamentu, nia fiar katak bele asina ona kontratu hodi ezekuta tanba ida-ne’e mak ema hotu nia esperansa, maibé ida-ne’e projetu ne’ebé boot tanba ninia fundu la’ós millaun $10 ka $20 maibe ne’e centenas de milhão (ratusan juta) entaun ita tenke haree didi’ak nia prosedimentu sira.
Enkuantu projetu Suai Supply Base (SSB) mak sentru lójistika no infraestrutura indústria mina-rai no gas nian iha kosta Súl Timor-Leste (Munisípiu Covalima), ne’ebé hanesan parte sentrál husi Projetu Tasi Mane.
Nia objetivu, tuir nia, atu fornese fasilidade portu, armazén no serbisu ba atividade mina iha tasi laran.
Lembra katak iha reuniaun Konsellu Ministru iha 07 Marsu 2025, Governu autoriza Ministériu Petróleu no Rekursu Minerál halo despeza relasiona ho programa kona-ba implementasaun Projetu Tasi-Mane iha Kosta Súl nasaun nian ho montante $40.500,000.
Notísia Relevante: Governu presiza aselera dezenvolvimentu infraestrutura Suai Supply Base
Jornalista : Alexandra da Costa
Editór : Cancio Ximenes
