DILI, 17 Jullu 2026 (TATOLI)—Federation International Football Federation (FIFA) ofisialmente deside árbitru husi Eslovénia, Slavko Vincic, sei lidera jogu finál Kopa Mundiál 2026 entre España versus Arjentina.
Jogu entre ekipa rua ne’e sei hala’o iha Estádiu MetLife, Nova Jersey, iha Segunda (20 Jullu 2026) madrugada oras Timor-Leste nian.
Asistente ba árbitru Slavko Vincic iha kampu mak hanesan Tomaz Klancnik no Andraz Kovacic, no árbitru jordanu na’in rua, Adham Makhadmeh no Mohammed Alkalaf, sai hanesan árbitru ofisiál dahaat no asistente rezerva.
Slavko Vincic mak dirije Kopa Mundiál dezde 2022 no iha tinan haat liubá iha Qatar, nia ofisializa jogu rua, inklui derrota Arjentina nian ho 2-1 hasoru Arábia Saudita iha faze grupu nian.
Jogu seluk mak bainhira nia ofisiál jogu Inglaterra nian hasoru Gales. Inglaterra manán ho 3-0, enkuantu Vincic fó sai kartaun mean hamutuk neen no penalidade ida iha jogu rua iha Kopa Mundiál 2022.
Vincic ofisializa ona jogu tolu iha Kopa Mundiál 2026. Primeiru maa hasoru Maroko, tuir fali Jordánia hasoru Arjélia no Méxiku hasoru Ekuadór.
Vincic hasai kartaun mean hamutuk hitu iha jogu tolu referida. Nia mós fó kartaun mean iha jogu Méxiku nian hasoru Ekuadór ba defeza Arsenal nian, Piero Hincapie, ne’ebé taka nia ibun durante konfrontu ida ho Santiago Gimenez.
Laiha rejistu kona-ba polémika iha jogu tolu ne’e maibé Slavko Vincic rasik hanesan árbitru FIFA nian dezde tinan 2010.
Desizaun sira kona-ba nomeasaun árbitru nian dalabarak sai hanesan foku atensaun nian iha Kopa Mundiál 2026. Ida-ne’e mosu iha jogu oioin, inklui jogu Arjentina nian iha Jornada 16 hasoru Ejiptu.
Lideransa husi árbitru fransés Francois Letexier hetan eskrutíniu hafoin nia desizaun oioin konsidera hanesan polémika. Maibé, árbitru prinsipál FIFA nian, Pierluigi Collina, defende nia, hodi subliña katak Letexier halo desizaun sira-ne’ebé loos.
Jornalista : Hortêncio Sanchez
Editór : Cancio Ximenes
