DILI, 18 Jullu 2026 (TATOLI) – Ekipa DIT FC susesu boot iha nia jornada daualu Liga Futeból Timorense bainhira halakon nia adeversariu AS Marca ho pontuasaun 4-1, iha jogu ne’ebé realiza iha Estádiu Munisipál Dili, sábadu loraik. Husi derrota ne’e lori Marca tenke degrada ba Segunda Divizaun hamutuk ho Aitana FC, basá pontu la to’o ho klube sira seluk.
Husi joga dala-ualu Marca no Aitana rekolla de’it pontu tolu. Enkuantu klube ualu seluk rekolla pontu ualu ba leten. Hela de’it jogu ida hodi termina liga époka ne’e, ho nune’e klube rua ne’e bele manán iha jogu ikus maibé pontu la to’o atu mantein iha Primeira Divizaun.
Husi vitoria ne’e lori DIT FC hadi’a kedan nia pontu iha klasifika ba lina leten ho totál pontu ualu, enkuantu AS Marca kontinua iha presaun hodi sai husi zona degradasaun.
Jogu hahú ho ritmu makaas
Jogu hahú ho ritmu kalma maibé lalais sae. AS Marca ho treinadór ne’ebé lidera ekipa tama ho formasaun 4-3-3. Ezequiel da Cruz lidera iha lina oin no sai ameasa ba DIT nia defiza.
DIT FC ho espiritu atu manan mós mai ho 4-3-3. Sira hatudu dominasiu kedas husi hahú jogu.
Golu sira iha primeira parte
DIT FC loke vantajen iha minutu 29 liu husi Zito Moreira ne’ebé konsege finaliza ho di’ak hafoin hetan pasa husi meiu kampo. Golu ne’e halo Estadiu tomak haksolok.
Maibé AS Marca la nonok. Iha minutu 31, Ezequiel da Cruz aproveita frakeza iha defiza DIT no konsege hanse impata ba 1-1.
DIT la lakon fiar. Minutu 9 hafoin, iha minutu 38, Jose dos Santos lansa shoot makaas husi liur kaixa no bola tama ho perfektu. Primeira parte termina DIT lidera 2-1.
Segunda parte: DIT taka jogu
Tama ba segunda parte, DIT kontinua presiona. Treinador halo troka jogadór hodi foun forsa ba atake.
Iha minutu 67, Kouda Affo aumenta tan vantajen ba DIT ho golu 3-1. Hafoin ne’e minutu 2 deit, iha minutu 69, Tanimola Ayobami selu golu ikus ba DIT hodi taka vitoria ho 4-1.
AS Marca tenta buka golu seluk maibé defiza DIT ho guarda-rede joga ho konsentrasaun makaas no la fo oportunidade.
Apitu ikus lian taka jogu no DIT FC sai vensedór ho 4-1.
Jornalista: Hortêncio Sanchez
Editor: Florencio Miranda Ximenes
