DILI, 18 Jullu 2026 (TATOLI) – ADR Uniao hetan vitoria dramátiku hafoin manán Aligators ho pontuasaun mihis 66-65 iha Liga Nasionál Basketeból Timor Leste kategoria Jogu Maskulinu. Jogu ne’e akontese ho kompetisaun makaas to’o apitu ikus. Jogu ba ekipa rua hala’o iha Jináziu Dili, sábadu kalan.
Kuarter 1: Jogu ekilibradu
Iha kuarter dahuluk, ekipa rua hatudu jogu ho ritmu aas. Aligators no ADR União troka atake no defensa makaas. Pontu sa’e tun no kuarter dahuluk termina ho diferensa kiik de’it.
Kuarter 2: ADR União lidera uitoan
Tama ba kuarter daruak, ADR Uniao hahú hetan ritmu jogu nian. Sira aproveita oportunidade husi bola perde no free throw hodi loke vantajen uitoan. Aligators nafatin luta no la fo biban fasil ba ADR União.
Kuarter 3 no 4: Jogu termina ho vitoria 66-65
Tama ba kuarter datoluk no dahaat, jogu sai makaas liu tan. Aligators tenta foti fila lideransa no konsege presiona ADR União to’o minutu ikus.
Maibé ADR União hatudu maturidade. Iha segundu ikus, sira konsege defende ho di’ak no aproveita atake ikus hodi marka pontu importante. Apitu ikus lian tala ho rezultadu ADR União 66 – 65 Aligators.
ADR União kontinua ho jogu ekipamentu no kooperasaun diak entre jogadór. Iha parte seluk, Aligators mós hatudu espíritu luta makaas maski lakon ho diferensa 1 pontu de’it.
Ho rezultadu 66-65 ne’e, ADR União konsege adisiona vitoria importante iha Liga Nasionál Basketeból mane.
Jornalista: Hortêncio Sanchez
Editor: Florencio Miranda Ximenes
