PCIC detein Xineza ida tanba tama iha lista mean INTERPOL
DILI, 19 Jullu 2026 (TATOLI)- Polisia Sientífika Investigasaun Kriminál (PCIC sigla Portugés), domingu (19/7) ohin, detein sidadaun Xina ho inisiál YN idade 47 tanba tama lista mean Intenational Police (INTERPOL ).
Xineza YN INTERPOL buka no detein tanba tama iha lista mean ho kazu krime ne’ebé sidadaun Xina ne’e envolve iha tinan 2024 iha nia nasaun nia-orijen.
Nune’e iha 2024 Governu Xina emite surat ida ba INTERPOL hodi buka buka tuir no iha 2025 INTERPOL emite karta ida ba Polísia Sientífika Investigasaun Kriminál atu buka tuir tanba tuir fonte informasaun katak sidadaun Xineza YN hela iha Timor-Leste.
Hafoin liuhusi kooperasaun ne’ebé PCIC no INTERPOL iha, nune’e iha Domingu ne’e lokaliza kedan no halo deteinsaun iha Aeroportu Internasionál Prezidente Nicolau Lobato, iha Díli.
Sidadaun xinés ida ne’ebé identifika ho naran YN ho tinan 47, ne’ebé sai alvu ba red notice (avizu mean) ida ne’ebé hasai husi Interpol tuir pedidu husi autoridade sira Repúblika Populár Xina.
Jornalista: Natalino Costa
Editor: Florencio Miranda Ximenes
