DILI, 18 Jullu 2026 (TATOLI) – Federasaun Futeból Timor-Leste (FFTL) konfirma ona kalendariu ofisiál ba Selesaun Nasionál Timor-Leste iha ASEAN Hyundai Cup 2026. Timor-Leste sei kompete iha jogu haat iha faze grupu hahú loron 24 Jullu to’o 03 Agostu 2026.
Tuir kalendu ne’ebé FFTL publika, Timor-Leste hahú nia kampaña hasoru Vietnam iha loron 24 Jullu 2026 iha tuku 22:30 oras Timor-Leste iha Chonburi Stadium.
Hafoin ne’e, iha loron 27 Jullu 2026 tuku 20:00 OTL, Timor-Leste sei infrenta Singapura iha Jalan Besar Stadium.
Jogu datoluk ba Timor-Leste sei kontra Indonézia iha loron 31 Jullu 2026 tuku 19:00 OTL, ne’ebé sei hala’o mós iha Chonburi Stadium.
Jogu ikus faze grupu nian, Timor-Leste sei hasoru Kamboja iha loron 3 Agostu 2026 tuku 19:30 OTL iha Morodok Techo Stadium.
Kalendu Kompletu Timor-Leste iha ASEAN Hyundai Cup 2026:
24 Jullu 2026: Timor-Leste vs Vietnam – Tuku 22:30 OTL – Chonburi Stadium
27 Jullu 2026: Timor-Leste vs Singapura – Tuku 20:00 OTL – Jalan Besar Stadium
31 Jullu 2026: Timor-Leste vs Indonézia – Tuku 19:00 OTL – Chonburi Stadium
03 Agostu 2026: Timor-Leste vs Kamboja – Tuku 19:30 OTL – Morodok Techo Stadium
Jornalista: Hortêncio Sanchez
Editór: Florencio Miranda Ximenes
