DILI, 19 Jullu 2026 (TATOLI) – Ekipa Savarika hatudu jogu ne’ebé extraordinariu hodi manán Brotherhood ho pontuasaun finál 55-13 iha Liga Nasionál Basketeból Timor-Leste (LNBTL) kategoria Jogu Feminina.
Vitoria ne’e hahú kedas husi kuarter dahuluk ho lideransa makaas. Jogu ba ekipa rua hala’o iha Jináziu Dili, Domingu dader.
Kuarter 1: Savarika lidera makaas
Iha kuarter dahuluk, Savarika hatudu jogu ho kualidade aas tebes. Sira kontrola ritmu jogu husi hahú no loke vantajen boot hasoru Brotherhood.
Ekipa ne’e hetan oportunidade barak husi bola perde no aproveita ho di’ak. Jogadór Savarika barak liu lansa ba kaixa no shoot husi distansia dook hodi hasa’e sira nia pontu ho lalais. Defensa makaas mós halo Brotherhood susar atu marka pontu.
Kuarter 2: Savarika aumenta lideransa
Tama ba kuarter daruak, Savarika nafatin kontrola tomak jogu no kontinua aumenta sira nia lideransa.
Sira hatudu kualidade iha atake no defensa. Brotherhood tenta luta hodi buka pontu, maibé Savarika nia presaun makaas liu halo ekipa adeversariu labele desenvolve sira nia jogu.
Kuarter 3 no 4: Jogu termina ho vitoria 55-13
Tama ba kuarter datoluk no dahaat, Savarika mantein nia konsistensia. Maski Brotherhood halo esforsu hodi redus pontu, maibé diferensa ne’ebé luan liu ona difisil atu alkansa.
Savarika kontinua ho jogu ekipamentu, pasa bola diak no finaliza ho efisiensia. Iha parte seluk, Brotherhood konsege hatudu espíritu luta to’o minutu ikus no konsege marka pontu 13.
Ho rezultadu 55-13 ne’e, Savarika konsege hadau vitoria importante iha Liga Nasionál Basketeból Feminina.
Jornalista: Hortêncio Sanchez
Editor: Florencio Miranda Ximenes
