Jogadór España manán prémiu individuál tolu iha Kopa Mundiál 2026

DILI, 20 Jullu 2026 (TATOLI)—España sai kampiaun Kopa Mundiál 2026 hafoin halakon Arjentina ho 1-0 iha jogu finál ne’ebé realiza segunda madrugada iha Nova Jersey Estadu Unidu Amérika (EUA).

Vitória ne’ebé Selesaun Nasionál España hetan iha Kopa Mundiál 2026 ne’e mós fó biban ba Jogadór España manán prémiu individual tolu (3) mak jogadór Rodri, Unai Simon no Pau Cubarsi.

Hafoin jogu finál Kopa Mundiál 2026 ramata ho vitória España manán Arjentina 1-0 iha tempu adisionál, FIFA anúnsia kedas katak jogadór sira-ne’ebé manán prémiu individual mellór jogadór iha istória Kopa Mundiál ne’e mak manán-na’in mak Rodri nomea sai The Golden Ball (Mellór Jogadór) hafoin hatudu jogu ne’ebé dominante iha iha mediu durante España nia viajen hodi hala’o jogu iha Kopa MUndiál 2026 to’o lori España sai kampiaun.

Jogadór médiu iha Manchester City ne’e kuaze halo jogu hotu-hotu no taka torneiu hodi ajuda La Roja asegura sira nia títulu daruak iha Kopa Mundiál FIFA.

Guarda-rede España, Unai Simon, manán premiu Luvas Osan-Meann tanba nia mak sai hanesan guarda-rede ne’ebé mantén golu hitu iha jogu ualu no nia sofre de’it golu ida iha torneiu tomak. Nia mós estabelese rekorde ida iha Kopa Mundiál hodi hala’o minutu 650 tuituir malu.

Jogadór Pau Cubarsi manán Prémiu Jogadór Joven Di’ak husi FIFA, tanba nia mak joven talentu ne’ebé kompleta triunfu España nian iha prémiu hodi manán Prémiu Jogadór Joven Di’ak liu FIFA nian.

Defeza ho tinan 19 sai hanesan estrela ida hosi torneiu ho nia dezempeñu sira-ne’ebé kalma iha defeza españól nia fuan. Nia hala’o papél krusiál iha ekipa nia kampaña defeza ne’ebé mak halo rekorde.

Jornalista : Hortêncio Sanchez

Editór        : Cancio Ximenes