DILI, 22 Jullu 2026 (TATOLI)—Governu liuhusi reuniaun Konsellu Ministru aprova atribuisaun naran “Monseñór Martinho da Costa Lopes” ba ponte Manatutu Vila nian.
Notísia Relevante: Urna Dom Martinho da Costa Lopes Sei Lori Mai TL
Proposta ne’e aprezenta direta husi Ministru Administrasaun Estatál, Tomás do Rosário Cabral, iha reuniaun Konsellu Ministru, kuarta (22/07) iha Palásiu Governu, ohin.
Atribuisaun naran Monseñór Martinho da Costa Lopes nian ba ponte Manatutu nu’udar omenajen justa ida ba figura ida-ne’ebé importante tebes husi rezisténsia timoroan no sasin kristaun afavór ba justisa, dame no autodeterminasaun, hodi prezerva nia legadu ba jerasaun atuál no futuru,
Sentidu seluk mós hanesan asume kna’ar ida-ne’ebé importante tebes iha tempu bainhira hala’o serimónia transladasaun ba Amu-lulik no Bispu saudozu sira.
Enkuantu ponte ne’e rasik konstrui iha tinan 2016, inaugura iha 2019 no implementa husi kompañia internasionál (Xina).
Notísia Relevante: Laleia-oan husu Governu tau Don Martinho Lopes nia naran ba ponte Laleia
Jornalista : Alexandra da Costa
Editór : Cancio Ximenes
