OJE 2026: Ajénsia Dezenvolvimentu Nasionál ezekuta ona 52%
DILI, 31 Jullu 2026 (TATOLI)—Diretór Ezekutivu Ajénsia Dezenvolvimentu Nasionál, Januário Guterres, informa hahú husi fulan-Janeiru to’o Jullu 2025 ne’e, ADN AND ezekuta ona OJE 2026 hamutuk 52% ne’e ba ezeksuaun saláriu vensimentu ba funsionáriu sira.
“Iha kategória bens-servisu kuaze atinje 40% ona, enkuantu kapitál menór no dezenvolvimentu ezekuta ona 12% tanba alokasaun orsamentu kiik tanba agora iha hela prosesu aprovizionamentu. Ba fulan ne’e ramata karik asina kontratu entaun bele ezekuta ona,” Diretór Ezekutivu ADN ne’e esplika ba Agência Tatoli iha nia kna’ar fatin, Hudi Laran, ohin.
Dirijente ne’e dehan, prinsipalmente ezekusaun OJE 2026 ba ADN nian sira laiha obstákulu ne’ebé durante ne’e sira hasoru. Maske iha fulan-Jullu sira hasoru difikuldade ho sistema administrasaun foun maibé sira konsege ultrapasa no adapta ona sistema foun ne’e.
“Tanba ne’e, ami garante katak molok tama trimestre dahaat ramata ne’e mak sira bele atinje to’o 90%-resin,” nia hateten.
Alokasaun Orsamentu Jerál Estadu (OJE) 2026 ba Ajénsia Dezenvolvimentu Nasionál (ADN) ho montante totál $4.095,368 ne’ebé kompostu husi saláriu no vensimentu $2.376.371, bens no servisu $854.545, kapitál menór $185.000 no kapitál dezenvolvimentu hamutuk $679.452.
Jornalista : Alexandra da Costa
Editór : Cancio Ximenes
