Ai-Leba lulun Salazar 59-36 iha Liga Basketeból Feto
DILI, 01 Agostu 2026 (TATOLI)–Ekipa Ai-Leba hatudu dominasaun no konsege manán ho skor 59-36 hasoru Salazar iha Liga Basketeból Nasionál Timor-Leste Feto ne’ebé hala’o Sábadu loraik iha Jináziu Dili.
Hahú husi kuarter dahuluk, Ai-Leba kontrola ritmu jogu ho ataje ne’ebé organizadu no defiza ne’ebé metin. Ekipa ne’e aproveita di’akliu shoot pontu tolu (3) no shoot perigu husi distánsia dook hodi loke diferensa pontu.
Ai-Leba hahú ho ritmu aas no konsege marka pontu beibeik liuhusi fast break no shoot pontu tolu (3) ne’ebé loos. Jogadora sira mós agresiva no konsege hetan shoot barak perigu bainhira hetan foul husi adversária.
Salazar esforsu atu fó presaun, maibé hasoru difikuldade tanba hetan foul barak iha minutu dahuluk. Situasaun foul trouble ne’e obriga treinadór atu halo mudansa jogadór dalabarak no afeta ekipa nia konsisténsia.
Iha kuarter daruak no datoluk, Ai-Leba kontinua aumenta sira-nia pontu. Sira-nia defiza zona no rebound ne’ebé forte labele fó oportunidade ba Salazar atu besik liu.
To’o jogu ramata, Ai-Leba termina ho vitória konvensente 59-36.
Jornalista: Hortêncio Sanchez
Editór: Xisto Freitas da Piedade
