Prezidente Federasaun Atletizmu Ázia elójia Timor-Leste ba realizasaun DIM 2026
DILI, 07 Agostu 2026 (TATOLI)–Prezidente Federasaun Atletizmu Ázia, Dahlan AI Hamad, elójia inisiativa Timor-Leste nian ba realizasaun eventu Maratona Internasionál Dili (DIM, sigla inglés) 2026.
“Ha’u hakarak hato’o obrigadu ba konvite Prezidente nian no ami hakarak kongratula povu Timor-Leste ba ospitalidade di’ak”, nia hatete hafoin halo enkontru ho Prezidente Repúblika, José Ramos-Horta, iha Palásiu Prezidensiál, ohin.
Nia sente kontente ho vizita mai país ne’e no haree dezenvolvimentu no demokrasia ne’ebé la’o di’ak tebes.
Dahlan AI Hama louva abertura eventu maratona ho envolvimentu populasaun, ne’ebé entuziamu no Governu apoia inisiativa ne’e. Tuir nia, ida-ne’e estratéjiku no sei dezenvolve desportu iha Timor-Leste.
“Hanesan Prezidente Atletizmu Ázia, kontente no haree Timor-Leste nu’udar indikasaun di’ak mai ita no ba Ázia”, nia louva.
Jornalista: Nelson de Sousa
Editora: Maria Auxiliadora
