Sosa ai-morik iha klinika privadu, pasiente husu Governu hamatan ba ai-moruk stock out
DILI, 10 Agostu 2026 (TATOLI)—Hospital Nasionál Guido Valadares (HNGV) kontinua fó reseita ba pasiente sira hodi sosa ai-moruk iha klinika privadu sira tanba ai-moruk esensiál balun iha stock out, maibé halo pasiente sira hasoru difikuldade iha terrenu.
Pasiente Esmeralda da Silva husu ba Ministériu Saúde no Hospiotál Nasionál Guido Valadares (HNGV) atu tau atensaun (hamatan) imediata ba disponibilidade ai-moruk esensiál liuliu ai-moruk sira-ne’ebé agora daudaun stock out.
“Sira haruka ha’u ba sosá ai-moruk raan-midar nian maibé ha’u-nia osan laiha. Agora, rzserva iha musan ida no rua iha hela, la presiza hotu kedas mak mai foti. Dalaruma ha’u sosá, ai-moruk ne’e tablete ida $3, depois musan neen de’it. Ha’u baibain sosa iha apotik ida iha Kampung Alor. Reseita ne’e mdiku sira mak fó ba ha’u hodi ba sosá,” Pasiente Esmeralda da Silva hateten ba jornalista sira iha resintu HNGV, Bidau Tokoh Baru, ohin.
Pasiente nee husu ba Governu atu medida nesesáriu hodi garante fornesimentu ai-moruk ho regularidade, nune’e pasiente sira la presiza sosa ai-moruk rasik iha farmásia privadu, ne’ebé bele aumenta kustu ba família.
Pasiente sira mos husu atu informasaun kona-ba falta ai-moruk no prevzaun fornesimentu foun bele fó sai ho klaru, atu família sira bele prepara an no evita difikuldade durante prosesu tratamentu.
Pasiente sira hein katak Ministériu Saúde no HNGV bele rezolve problema ai-moruk stock out ho lalais, atu garante pasiente hotu-hotu hetan ai-moruk esensiál no servisu saúde ne’ebé mak ho di’ak.
“Ai-moruk ne’e loron ida ha’u tenke hemu dala tolu mak iha tempu dader, meudia no kalan maibé la iha buat ida naran katak ha’u tenke hemu. Ne’ebé, bainhira ha’u ba hola tenke hola tablet ida $3 nian, dala rua haat no lima dala ida. Ai-moruk ida ne’e mak ita la konsumu ne’e la di’ak, ita hemu ai-moruk ne’e moras normál fila-fali,” nia dehan.
Antes ne’e, Diretor Servisu Apoiu Diagnóstiku no Terapeutiku iha HNGV, Vidal de Jesus Lopes, hateten razaun husi stock out ne’e falta komunikasaun iha laran, depois konsellu Diretiva Hospitál Nasionál Guido Valadares halo buka tuir nian fukun.
“Depois ami buka tuir fukun husi ema sira-ne’e, kestaun mak falta komunikasaun. Depois kestaun mak fornesedór tanba fornesedór prinsipál mak Konsumaveis, Medikamentu no reazente sira mak INFPM mais la tama. Dalan di’ak mak Hospitál Nasionál Guido Valadares atu halo kompra Emerjénsia, ne’e duni husi INFPM stock out sira manda karta justiifikasaun iha ne’ebá mak sctok out. Entaun, bazeia ba karta justiifikasaun sctok out mak ami foin husu Empreza fornesedór hodi sira hatama sasán konsumaveis, medikamentu. Nia lal’aok ne’e hanesan ne’e,” nia konklui.
Jornalista : Felicidade Ximenes
Editór : Cancio Ximenes
