SNAEM evakua pasiente 4.653 iha trimestre daruak
DILI, 11 Agostu 2026 (TATOLI)—Diretór Jerál Servisu Nasionál Ambulánsia Emerjénsia no Médikamentu, Simplicio Amaral, hateten husi fulan-Abríl to’o Juñu ne’e SNAEM evakua ba pasiente 4.653 husi territóriu mai Hospitál Nasionál Guido Valadares no barak-liu ne’e husi Ermera
“Ita haree katak munispiu aas liu mak Ermera, tuir mak Aileu no Manufahi. Kazu barak ne’ebé transfere mak maternidade no medisina interna,” nia hateten ba jornalista sira, ohin.
Nia informa, husi númeru ne’e iha fulan-Abríl kazu hamutuk 433, Maiu 514 no mai fali iha Juñu ne’e tun ba 292, nune’e rezulta totál hamutuk 1.239.
Munisípiu sira-ne’ebé mak halo evakuasaun tuir Munisípiu Dili mak hanesan Likisá, Vikeke, Aileu no Ermera ne’e mós halo evakuasaun maka’as hotu.
Munisípiu Ermera iha fulan-Abríl hamutuk 128, Maiu hamutuk 156 no Juñu hamutuk 140, nune’e rezulta totál hamutuk 424.
Depois Munisipiu Liqkisá ne’e iha Abríl hamutuk 132, Maiu hamutuk 128 no Juñu hamutuk 124, nune’e rezulta totál hamutuk 384.
Husi Aileu ne’e iha fulan-Abríl hamutuk 107, Maiu hamutuk 137 no Juñu hamutuk 119, nune’e rezulta totál hamutuk 363.
Munisípiu Manufahi iha fulan Abríl hamutuk 119, Maiu hamutuk 100 no Juñu hamutuk 135, nune’e rezulta totál hamutuk 354.
Munisípiu Viqueque iha fulan -Abríl hamutuk 92, Maiu hamutuk 124 no Juñu hamutuk 95, n une’e rezulta totál hamutuk 311.
Munisípiu Baukau iha fulan-Abríl hamutuk 88, Maiu hamutuk 82 no Juñu hamutuk 83, nune’e rezulta totál hamutuk 253.
Munisípiu Manatutu iha fulan-Abríl hamutuk 79, Maiu hamutuk 98 no Juñu hamutuk 97, nune’e rezulta totál hamutuk 274.
RAOEA iha fulan-Abríl 77, Maiu hamutuk 76 no Juñu hamutuk 66, nune’e rezulta totál hamutuk 219.
Kovalima iha fulan-Abríl hamtuk 80, Maiu hamutuk 57 no Juñu 55, nune’e rezulta totál hamutuk 192.
Ataúru iha fulan-Abríl hamuutuk 46, Maiu hamutuk 67 no Juñu hamutuk 70, nune’e rezulta totál hamutuk 183.
Lautéin iha fulan-Abríl hamutuk 62, Maiu hamutuk 53 no Juñu hamutuk 57, nune’e rezulta totál hamutuk 172.
Munisípiu Bobonaru iha fulan-Abríl 38, Maiu 33 no Juñu amutuk 35, nune’e rezulta totál hamutuk 106.
Nia esplika, munisípiu sira-ne’ebé mak halo evakuasaun pasiente barak-liu ne’e, ekipa Servisu Nasionál Ambulánsia Emerjénsia no Médikamentu sei tau atensaun.
“Tanba sira halo evakuasaun barak ami mós presiza haree ambulánsia aumenta. Karik pasiente barak karreta ambulánsia ne’e rezerva ne’e sempre iha atu nune’e bele halo atendimentu fali ba kazu emerjénsia sira seluk,” nia esplika.
Kazu ne’ebé mak Servisu Nasionál Ambulánsia Emerjénsia no Médikamentu hala’o evakuasaun ne’e maioria ne’e inan isin rua sira no mós moras sira seluk tan.
Jornalista : Felicidade Ximenes
Editór : Cancio Ximenes
