Konstrusaun turizmu komunitáriu Santuáriu Ramelu sei inaugura iha Outubru
DILI, 12 Agostu 2026 (TATOLI)—Diretór Jerál Turizmu no Ambiente, António da Silva, informa katak konstrusaun iha sítiu turístiku na’in-feto Ramelau besik konklui ona no sei inaugura iha fulan-Outobru tinan ne’e.
Progresu konstrusaun turizmu komunitáriu iha santuáriu Ramelau kuaze atu konklui ona no sei halo inaugurasaun iha tempu badak nia laran, tanba sei haree mós ba disponibilidade Vise Primeiru-Ministru, Ministru Koordenadór Asuntu Ekonómiku no Ministru Turizmu Ambiente.
“Inaugurasaun sei halo iha fulan-Outobru nia laran antes tama ba fulan-Dezembru, tanba movimentasaun vizitante nian ho diariamente, entaun fatin ne’e sei fasilita vizitante lokál no estranjeiru sira hodi deskansa molok viajen sa’e ba Ramelau tutun,” Dirijente ne’e relata ba jornalista sira iha CCD Kaikoli, ohin.
Nia mós apela ba vizitante sira-ne’ebé konsumu alkól iha sítiu turístiku sira liuliu iha Ramelau tenke ho responsabilidade, tanba ne’e sira sei estabelese kuadru informasaun kona-ba regras atu asesu iha sítiu turístiku sira.
“Atu nune’e bele garante nafatin ita-nia kondisaun ambiente ne’ebé di’ak no kontroladu nafatin iha fatin sagradu sira,” nia dehan.
Jornalista : Alexandra da Costa
Editór : Cancio Ximenes
