2023-2026, CNA rejista projetu 591 liuhusi prosesu aprovizionamentu
DILI, 13 Agostu 2026 (TATOLI)—Komisaun Nasionál Aprovizionamentu (CNA, sigla portugés) rejista projetu hamutuk 591 iha tinan 2023 to’o 2026 ne’ebé konkorre liuhusi prosesu aprovizionamentu.
Diretór Komisaun Nasionál Aprovizionamentu, Hermingardo Albano Soares, hateten totál projetu ne’ebé liuhusi prosesu aprovizionamentu iha tinan 2023 hamutuk 13 ho montante millaun $92.
“Iha tinan 2024, totál projetu liuhusi prosesu aprovizionamentu hamutuk 198 ho orsamentu millaun $411 ne’ebé kompostu husi empreza lokál 170 no empreza internasionál hamutuk 28,” Diretór CAN ne’e informa ba jornalista sira iha salaun Delta Nova, ohin.
Dirijente ne’e hatutan, iha 2025 ne’e, iha projetu 206 mak liuhusi prosesu aprovizionamentu ho nia alokasaun orsamentu millaun $739 ne’ebé kompostu husi empreza lokál 164 no empreza internasionál hamutuk 42.
“Enkuantu iha tinan 2026 totál projetu liuhusi prosesu aprovizionamentu iha hamutuk 168, ne’ebe ezekuta ona orsamentu hamutuk millaun $ 267, kne’ebé ompostu husi empreza lokál iha 168 no empreza internasionál seidauk finaliza.
Jornalista : Alexandra da Costa
Editór : Cancio Ximenes
