Governu kompromete atu finaliza kontrusaun kardiaku Lahane
DILI, 13 Agostu 2026 (TATOLI)—Governu liuhusi Vise-Primeiru Ministru no Ministru Koordenadór Asuntu Sosiál no Ministru Dezenvolvimentu Rurál no Habitasaun, Mariano Asanami Sabino hateten Governu kompromete atu finaliza kontrusaun kardiaku lahane, nune’e ba futuru hamenus transferensia ba rai liur.
“Agora ita fokus atu aselera lalais hodi kordena ho Ministériu Saúde nune’e ita harii sentru kardiaku iha Lahane ba futuru bele hamenus transferénsia pasiente ba rai-li’ur. Nune’e, ita halo tratamentu iha ne’e,” Mariano Asanami Sabino dehan ba jornalista sira iha Pantai Kelapa, ohin.
Nia afirma, hanesan Ministru Koordenador nafatin orienta Ministra Saúde hodi halo konkordánsia atu bele rezolve fatin kardiaku Lahane, tanba fatin ne’ebá sei tau moras sira-ne’ebé mak durante haruka ba rai-li’ur ne’e maibé ba operasaun sira kiik la’o nafatin hela iha HNGV no agora ida-ne’ebé mak todan haruka ba rai-li’ur.
“Maibe agora daudaun orsamentu ha’u husu ona maizumenus ita bele lao daudaun ona. Maibe orsamentu ba tinan oin, ita seidauk aprova foin daudaun ita apresenta ona ba moras tolu hanesan lepra, tuberkoloze no HIV/SIDA. Maibé normalmente orsamentu ba saúde ne’e boot tanba asuntu ne’e importante ba ita-nia oan sira,” nia dehan.
Agora orsmentu seidauk iha MS foin hatama proposta no komité sei haree no ida-ne’ebé mak importante sei tau ba.
Tanba ne’e, haree katak ospital andar lima pediatria besik atu hotu ona liuliu ba pediatria no maternidade ne’ebé mak apoiu husi Governu Japaun ne’e agora daudaun konstrusaun hela. Nune’e, ha’u orienta ona MS atu hola materiál sira importnte tau iha ne’eba hanesan ai-moruk inklui buka mós materiál sira-ne’ebé nia teknolojia aas hanesan M-ray no Ct Scan.
Jornalista : Felicidade Ximenes
Editór : Cancio Ximenes
