Tomás Cabral: Probabilidade seidauk bele utiliza Kartaun Biométriku iha eleisaun
DILI, 17 Agostu 2026 (TATOLI)—Ministru Administrasaun Estatál, Tomás do Rosário Cabral, hateten probalidade seidauk bele uza Kartaun Biométriku iha eleisaun tinan oin, tanba presiza halo edukasaun sívika ba populasaun.
“Buat eletróniku ne’e tenke halo edukasaun sívika, tenke iha sigla bandeira. Ida-ne’e la’ós númeru, ne’ebé ema barak sei vota sala,” nia dehan ba jornalista sira iha salaun Ministériu Administrasaun Estatál (MAE), Kolmera, Dili, Segunda ne’e.
Bainhira jornalista husu katak seidauk bele utiliza iha eleisaun tinan oin, Ministru hatán: “Ha’u seidauk dehan bele ka labele maibé ha’u rasik de’it seidauk bele vota eletrónika”.
Cabral informa Prezidente Repúblika ezije maibé populasaun no partidu mak kompete eleisaun, ne’e sigla bandeira sei la tama, bá vota númeru de’it, sei vota sala.
Aplikasaun Kartaun Biométriku iha eleisaun presiza sistema, regra no preparasaun téknika ne’ebé klaru. Timor-Leste hahú ona uza sistema biométriku iha prosesu resenseamentu eleitorál, liuliu liuhosi impresaun dijitál (fingerprint) atu identifika no auténtika eleitór. Edukasaun sívika sai xave antes uzu Kartaun Biométriku iha eleisaun.
Jornalista: Osória Marques
Editór: Xisto Freitas da Peidade
