Aero Dili seidauk iha serteza atu espanda rute voo Dili-Kupang
DILI, 18 Agostu 2026 (TATOLI)—Diretór Ezekutivu Empreza Aero Dili, Lourenço Oliveira, informa Aero Dili seidauk iha serteja atu espanda rute voo Dili ba Kupang.
Diretór Empreza Aero Dili, Lourenço Oliveira, hateten Governadór Kupang (NTT) mak konvida nia ba tanba sira iha intensaun atu diskute ho Aero Dili hodi espanda voo Dili ba Kupang kontinua mós voo ba Austrália.
“Maibé ha’u mós informa kedas ba Governadór Kupang katak daudaun ne’e ami-nia oras viajen mak lato’o ona atu semo tan ba Kupang. Ne’ebé se ami atu semo karik ami hein ba tinan oin karik ami aumenta tan aviaun ida,” Diretór ne’e hateten ba jornalista sira iha nia kna’ar fatin Timor Plaza, ohin.
Tanba, nia infroma, daudaun ne’e aviaun Aero Dili nia rute viajen ba nasaun Austrália, Indonézia, Malázia, Singapura no Xina,
Jerente ne’e dehan bainhira Governadór Kupang hakarak pedidu Aero Dili semo sedu (urjente) ne’e entaun nia seidauk prontu, aleinde aviaun Lion Group no Garuda bele voo husi Kupang mai Dili.
“Entaun ha’u labele, la’ós dehan la espanda voo maibé sei semo maibé planu ne’e sei neineik tanba bainhira aviaun atu espanda voo ba nasaun seluk bilateralmente tenke iha akordu,” nia dehan.
Jornalista : Alexandra da Costa
Editór : Cancio Ximenes
