Marí Alkatiri asume interinamente kargu Prezidente Partidu FRETILIN
DILI, 21 Agostu 2026 (TATOLI) – Sekretáriu-Jerál Partidu Frente Revolusionária Timor-Leste Independente (FRETILIN), Marí Alkatiri, asume interinamente kargu Prezidente Partidu FRETILIN.
Adjuntu Sekretáriu-Jerál FRETILIN, Flávio Maria da Silva, hatete katak, tuir estatutu partidu, bainhira iha impedimentu permanente ba Prezidente Partidu, Sekretáriu-Jerál sei asume kargu Prezidente Partidu interinu nian durante loron 90.
Hafoin ne’e, sei konvoka reuniaun Komité Sentrál atu haree no diskute kona-ba prosesu atu hala’o tuirmai.
“Ne’ebé, ita akompaña lai reuniaun Komité Sentrál [ne’ebé sei] realiza iha 29 Agostu”, nia informa ba Tatoli via telefone, ohin.
Lembra katak, Prezidente Partidu FRETILIN, Francisco Guterres “Lú Olo”, hakotu iis iha loron 21 fulan-Juñu 2026, iha ospitál Prince Court, Kuala Lumpur, Malázia, hafoin halo tratamentu saúde intensivu. Antigu Xefe Estadu ne’e hakoi ona iha Jardín Eroi Metinaru iha loron 26 Juñu.
Jornalista: Nelson de Sousa
Editora: Maria Auxiliadora
