MSSI finaliza ona pagamentu faze daruak ba idozu no invalidés na’in-6.780 iha Kovalima
KOVALIMA, 24 Agostu 2026 (TATOLI) – Ministériu Solidariedade Sosiál no Inkluzaun (MSSI), liuhusi Institutu Nasionál Seguransa Sosiál (INSS), finaliza ona pagamentu faze daruak ba idozu no invalidés ho benefisiáriu na’in-6.780 ho orsamentu Millaun $1,55 iha Munisípiu Kovalima.
“Ministériu Solidariedade Sosiál no Inkluzaun (MSSI), liuhusi INSS finaliza ona pagamentu ba idozu no invalidés ba faze daruak ne’e ho orsamentu millaun $1,55” relata Koordenadór Deskonsentrasaun INSS Munisipál Kovalima, Bernardino Sequeira, ba TATOLI iha Kovalima.
Idozu no invalidésbho nia kategória idade 60-69 kada trimesteral sira iha direitu hodi simu pensaun sosiál $180, idade 70-79 kada pesoál iha direitu hetan pensaun sosiál $240 ,idade 80 ba leten kada trimesterál iha direitu hetan $300.
Nune’e, husi orsamentu Millaun $1,55 ne’e millaun $1,49 destina ba pagamentu benefísiu idozu, orsamentu $63.420 destina ba benefísiu invalidés
Benefisiáriu hirak ne’e hetan ona pagamentu faze daruak iha loron 22 to’o 29 Juñu 2026.
Jornalista: Celestina Teles
Editór: Florencio Miranda Ximenes
