SEFOPE rejista remesa husi traballadór timoroan iha Korea hamutuk $376.790,00
DILI, 31 Agostu 2026 (TATOLI)—Sekretáriu Estadu Formasaun Profisionál no Empregu (SEFOPE) liuhusi Diresaun Nasionál Empregu Estranjeiru (DNEE) rejista remesa husi traballadór timoroan ne’ebé servisu iha Korea Súl iha tinan 2026 ne’e hamutuk $376.790,00
Diretór Diresaun Nasionál Emoregu Estranjeiru, João Correia Pereira, iha trimestre dahuluk no daruak ne’e traballadór timoroan sira-ne’ebé servisu iha Korea.
“Totál remesa ne’ebé ohin ha’u temi ne’e kompostu husi ttimestre dahuluk nian hamutuk $161.000,00 no ttimestre daruak nian hamutuk $215.790,00. Enkuantu fulan-Jullu to’o Agostu nian seidauk iha,” Diretór DNEE ne’e relata ba Agência Tatoli iha nia kna’ar fatin, City 8, Manleuana, ohin.
Nia hatutan, remesa ne’ebé iha kontribui husi traballadór timoroan hamutuk na’in-36 ne’ebé hirak ne’e mesak mane hotu kedas.
Remesa husi timoroan iha Austrália
Enkuantu, nia dehan remesa ne’ebé kontribui husi traballadór timoroan sira iha Austrália hamutuk $17.146.437,42, ne’ebé kompostu husi trimestre dahuluk hamutuk $5.806.959,80, trimestre daruak hamutuk $9,531,185.62 no trimestre datolu hamutuk $1.808.292,00.
“Remesa ne’e kontribui husi traballadór timoroan hamutuk 2.505 ne’ebé kompostu husi mane hamutuk na’in-1548 no feto hamutuk na’in-944,” nia dehan.
Jornalista : Alexandra da Costa
Editór : Cancio Ximenes
