TL-EAU diskute kooperasaun bilaterál iha área saúde no Jestaun Inundasaun
DILI, 31 Agostu 2026 (TATOLI)–Ministra Estadu iha Ministériu Negósiu Estranjeiru Emiradu Árabe Unids (EAU), Noura Al Kaabi, segunda ne’e, hasoru malu ho Prezidente Repúblika, José Ramos-Horta hodi diskute kooperasaun bilaterál iha área saúde no jestaun inundasaun.
Iha enkontru ne’e, Ministra Noura hato’o mós kumprimentu husi lideransa EAU ba Xefe Estadu no povu Timor-Leste.
“Ha’u mai iha ne’e ba dala uluk. Ida-ne’e onra ida. Lori lideransa Emiradus Árabes Unidus nia naran, ha’u hato’o kumprimentu ba Ita-boot sira nia Prezidente, no ba povu Timor-Leste,” Ministra Noura hateten ba jornalista sira hafoin enkontru ramata iha Palásiu Prezidensiál Nicolau Lobato, Bairru Pite, Dili.
Hametin Relasaun Bilaterál
Ministra Noura relembra relasaun entre EAU no Timor-Leste durante tinan barak iha dezenvolvimentu sidade, edukasaun no saúde.
“Iha tinan barak nia laran, ami servisu hamutuk kona-ba kondisaun sira, serbisu no dezenvolvimentu. Ida-ne’e iha área edukasaun sira-nian no saúde,” nia afirma.
Nia subliña katak EAU prontu kontinua apoia Timor-Leste liuliu iha área saúde mentál no seguransa sosiál.
Ministra Noura mós ko’alia kona-ba projetu kooperasaun ne’ebé EAU apoia iha Timor-Leste, inklui projetu kartaun ofisiál ne’ebé hetan apoiu husi Embaixadór Borough, Thomas King.
Iha biban ne’e, parte rua diskute mós kona-ba preparasaun estudu ba sentru sidade no jestaun ba inundasaun.
Nia dehan, enjeñeiru sira hala’o ona estudu detalladu kona-ba istória inundasaun hodi ajuda prepara rai ho di’ak-liu.
Ministra Noura akompaña husi delegasaun EAU, inklui Embaixadór EAU ba Timor-Leste, Kamai Ned El Barak.
Jornalista : Hortêncio Sanchez
Editór : Cancio Ximenes
