BAZERA rejista vítima kazu raiva hamutuk 742 iha Baukau
BAUKAU, 03 Setembru 2026 (TATOLI)—Ekipa Task Force Baukau Zero ba Moras Raiva (BAZERA) durante inísiu tinan-ne’e rejista vítima ba virus raiva ka asu tata hamutuk na’in-742 iha Baukau.
Tuir dadus ne’ebé Task Force BAZERA fó-sai iha Kinta ne’e, ema-ne’ebé asu tata kompostu mane hamutuk 399 no feto 343 ho totál mate na’in-haat no kazu suspeitadu na’in-ida.
Husi totál vítima na’in-742, rejista iha Janeiru hamutuk 46, Fevereiru 27, Marsu 43, Abríl 78, Juñu 149, Jullu 107 no Agostu hamutuk na’in-140 ne’ebé maioria lokaliza iha Postu Baukau Vila hanesan Bahú kazu hamutuk 117, Tirilolo 113, Gariuai 77, Uailili 54, Buibau 28, Buruma 16, Builai 16, Bukoli 19 no Samalari kazu hamutuk 13.
Aleinde ne’e, Postu Venilale husi Suku Uatuhako kazu hamutuk 21, Suku Vemasse Tasi 21 no Postu Kelikai, Suku Letemumu, hamutuk kazu 16.
Vítima hirak-ne’e rejistu iha Baucau Vila 480, Venilale iha kazu na’in-82, Vemasse na’in-58, Laga na’in-43, Kelikai 40, Baguia 15, Matebian 10 no Postu Kelikai Antigu rejistu na’in-neen (6), enkuantu sidadaun na’in-ualu seluk maihusi munisípiu seluk ne’ebé rejistu iha Baukau.
Husi na’in 742 asu tata iha fulan-Janeiru ne’ebé rejistu hamutuk na’in-46, Fevereiru na’in-27, Marsu na’in-43, Abríl na’in-78, Maiu na’in-152, Juñu na’in-149, Jullu na’in-107 no fulan-Agostu rejistu na’in-140.
Kazu hirak-ne’e, ekipa Bazera konsege rekolla amostra hodi ba teste iha laboratóriu hamutuk 46 ne’ebé pozitivu 41 no negativu 5, ne’ebé tuir klasifikasaun asu haki’ak 147, viziñu 69 no deskoñesidu 490.
Jornalista: Natalino Belo
Editór: Xisto Freitas da Piedade
