KAK sensibiliza medida prevensaun no kombate korrupsaun ba entidade sira iha Kovalima
KOVALIMA, 03 Setembru 2026 ( TATOLI)- Komisaun Anti Korrupsaun (KAK), sensibiliza medida prevensaun no kombate korrupsaun (MPCC, sigla portugés) ba entidade sira iha munisípiu Kovalima.
Objetivu husi sensibilizasaun ne’e importante atu hasa’e entidade públiku no privadu sira-nia koñesementu hodi bele evita ona irregularidade no asuntu korrupsaun iha instituisaun Estadu.
“ Ita realiza Semináriu durante loron ida ba setór públiku nian. Ita hatene setór públiku ba funsionáriu públiku, Dirijente tomak, kona-bá lei KAK liu-liu Lei MPCC numeru 7 / 2020 kona-bá medida prevensaun no kombate korrupsaun iha asuntu deklara rikusoin, papél KAK,tipu korrupsaun, oinsá mak bele eduka no sensibiliza nafatin funsionáriu publiku,setór privadu sira, konsiente hodi respeitu ba lei; labele hamosu korrupsaun” Adjuntu Prevensaun no Sensibilizasaun, Rosário Salsinha Araújo, informa ba jornalista-sira iha Salaun AMC.
Notísia relevante:PN-Governu presiza serbisu hamutuk apoia CAC implementa lei MPCC
Atividade sensibilizasaun ne’e parte ida halo preparasaun nune’e bainhira iha futuru sai líder bele entende oinsá halo planu ezekusaun osan no ho di’ak .
Diskusaun ne’e interativu tanba hetan partisipasaun masimu husi entidade sira,hanesan setór públiku, privadu apoiu tebes hanesan servisu husi KAK oinsá KAK atu intensiva servisu kontrola masimu projetu sira, servisu Funsionáriu públiku iha edifísiu Governu.
Notísia relevante:Lei MPCC obriga jestór setór públiku-privada ezekuta OJE ho fuan moos
Jornalista:Celestina Teles
Editór: Rafael Ximenes de A. Belo
