Korea Súl apoia laptop unidade 70 ba PNTL
DILI, 03 Setembru 2026 (TATOLI) – Governu Repúblika Korea Súl liuhusi nia Embaixadór iha Timor-Leste, Chang Hayeon, apoia fasilidade teknolojia informasaun ba Polísia Nasionál Timor-Leste (PNTL) hodi reforsa servisu investigasaun kriminál.
Ekipamentu sira ne’ebé Diplomata Repúblika Korea Súl fó ba PNTL mak hanesan desktop, laptop, printer, projetor ho dijitál kamera nian no protocol body ba polísia.
“Ohin loron ne’e embaixada hodi ekipamentu investigasaun mai entrega ba PNTL Timor-Leste nian. Iha kazu barak ne’ebé mak iha nia pasadu Polísia Nasionál hatudu nia rezultadu ne’ebé iha nia servisu,” Embaixadór Chang Hayeon hateten ba jornalista sira hafoin entrega ekipamentu IT ba polísia iha Komandu Jerál PNTL Kaikolim, kinta ne’e.
Diploma ne’e hateten, husi parte Korea nian haree katak husi parte Governu Korea bele suporta ajuda ba iha PNTL liuhusi fornese ekipamentu ba investigasaun atu nune’e bele halo servisu ho fasil atu halo investigasaun.
Segundu Komandante Jerál PNTL, Komisária Asistente Polísia Natercia Eufrasia Soares Martins, Embaixada Korea mós observa situasaun membru sira husi investigasaun halo servisu hodi desmantela krime online scaming.
“Hanesan ita-boot sira hatene iha ita-nia rai. Tanba ne’e mak Embaixadór ohin dehan apoiu ekipamentu sira ne’e mai PNTL liuliu ba servisu Polísia no Migrasaun bele reforsa tán sira iha servisu, iha área investigasaun ninian,” nia dehan.
Segundu Komandante PNTL ne’e hateten, Embaixadór Korea Súl nu’udar antigu polísia tanba ne’e nia hatene situasaun polísia tanba ne’e nia mós mós kompromete katak sei apoia servisu polísia Timor-Leste atu mellora servisu.
“Señor Embaixadór iha relasaun emosionál metin ho polísia sira tanba ne’e mak Embaixadór sempre hateten ba polísia atu luta makas ka esforsu hodi apoiu ba polísia atu nune’e fasilidade kapasitasaun treinametu reforsa pesoál polísia nian hodi responde misaun liuliu krime sira ne’ebé relasiona ho teknolojia,” nia dehan.
Jornalista: Natalino Costa
Editór: Evaristo Soares Martins
