PTR presta omenajen ba restu mortál preladu na’in-tolu iha Tasi -Tolu
DILI, 07 Setembru 2026 (TATOLI) – Prezidente Tribunál Rekursu, Afonso Carmona hamutuk ho Juiz Dezembargadór husi Tribunál Rekursu no Juiz sira husi Tribunál Judisiál haat; Dili, Baukau Suai no Oe-kusse inklui funsionáriu tomak presta omenajen ba restu mortál preladu na’in-haat iha Tasi -Tolu.
Restu mortál Amu Buspu na’in-haat mak hanesan; Bispu Dom Jaime Garcia Goulart, Bispu Dom Joaquim Ribeiro, Monseñor Martinho Costa Lopes no Bispo Dom Alberto Ricardo da Silva.
“Ohin ami hamutuk ho juiz no funsionáriu sira mai presta omenajen ba ita-nia bispu na’in-tolu. Ita konsidera sira ne’e bispu halo ita-nia rai sai terra santa, ha’u fiar katak sira na’in-haat ne’e santu ona,” Prezidente Tribunál Rekursu Afonso Carmona hateten ba jornalista sira hafoin presta omenajen iha Tasi -Tolu, segunda ne’e.
Carmona hateten, preladu na’in-tolu ne’enia kontribuisaun ne’e lori ita-nia nasaun sai ukun aan, tanba ne’e presiza fo omensjen no valoriza sira-nia luta.
Iha fatin hanesan, Prezidente Komisaun Organizadora Padre Guilhermino da Silva, esplika, dezde restu mortál preladu sira to’o Timor, ohin komisaun fó oportunidade ba entidade nasaun nian husi Prezidente Repúblika, Prezidente Parlamentu Nasionál, Governu no Prezidente Tribunál Rekursu ho funsionáriu atu mai presta omenajen.
“Ohin ita hahú fó omenajen ba preladu sira iha Tasi -Tolu nian, membru órgaun soberania sira ohin mai foin hato’o omenajen tanba desde preladu sira-nia restu mortál mai iha dia 02 Setembru hanesan Monseñor Martinho Lopes ba vizita Manatutu no Laleia iha loron rua inklui mós Dom Jaime nia mós hanesan ba vizita ISFIT, Fatumeta nune’e preladu la kompletu, tanba ne’e mak ohin preladu kompletu fali ona iha-ne’e, tanba ne’e mak komisaun autoriza órgaun soberania sira mai presta omenajen,” nia dehan.
Jornalista: Natalino Costa
Editór: Evaristo Soares Martins
