Parlamentu autoriza dezlokasaun Prezidente Repúblika bá Estadu Unidu Amérika

DILI, 15 Setembru 2026 (TATOLI) – Parlamentu Nasionál, liuhusi reuniaun plenária, tersa-feira ne’e, autoriza dezlokasaun Prezidente Repúblika, José Ramos-Horta, bá Estadu Unidu Amérika (EUA).

Sekretária Meza Parlamentu, Virgínia Ana Belo, hatete, tuir termu ne’ebé previstu iha númeru 1 artigu 80 no alínea h, númeru 3 artigu 95 Konstituisaun, ho meiu ne’e Xefe Estadu solisita ba Parlamentu nesesáriu konsentimentu préviu ba realizasaun dezlokasaun ho natureza ofisiál bá Estadu Unidu Ámerika.

Pedidu Xefe Estadu nian atu realiza vizita traballu bá Washington DC hodi partisipa aniversáriu ba da-81 Sesaun Asembleia Jerál Nasaun Unida, ne’ebé realiza entre 20 no 25 Setembru 2026, tuir konvite husi Adjuntu Sekretáriu Jerál ba Jestaun Asembleia Jerál Konferiénsia.

Nune’e, Prezidente Repúblika sei auzente iha territóriu iha 19 Setembru no sei filafali mai Timor-Leste iha 25 Setembru.

Pedidu asentimentu ne’e deputadu sira aprova ho unanimidade ho votu a favór 49, kontra ida no abstensaun ida.

Jornalista: Nelson de Sousa

Editora: Maria Auxiliadora