ANTA aprezenta inovasaun teknolojia ba dezenvolvimentu indústria desportu
QUANZHOU (XINA), 22 Setembru 2026 (TATOLI) – Grupu ANTA kontinua dudu futuru indústria desportu nian liuhosi dezenvolvimentu teknolójiku no inovasaun iha área ekipamentu desportu, inklui materiál ba atleta profision, sapatu desportu no solusaun ne’ebé orienta ba sustentabilidade ambientál.
Inovasaun sira-ne’e hatudu durante vizita delegasaun mídia ASEAN bá Sentru ANTA iha Jinjiang Quanzhou, Provínsia Fujian, iha ámbitu Worksho Media ASENA ne’ebé hala’o iha provísia ne’e.
Vizita ne’e fó opoertunidade ba jornalista sira atu haree diretamente atividade peskiza, dezenvolvimentu produtu no teknolojia ne’ebé uza iha indústria desportu, inklui teknolojia ba atleta profisionál no materiál ne’ebé konsidera impkatu ambientál.
Iha 2007, ANTA rejista iha lista Bolsa Valór Hong Kong, no durante tinan sira tuirmai kontinua aumenta númeru marka no negósiu iha despostu. Iha 2009, grupu ne’e kompleta akizisaun ba Amer Sport, enkuantu Amer Sport sai empreza públika iha Bolsa Nova Iorke iha 2024.
Dadus ne’ebé aprezenta durante vizita, reseita ANTA Group iha semestre dahuluk 2026 atinje maizumenus RMB billaun 43,51, enkuantu Amer Sports rejista reseita besik billaun $3,578.
Iha Xina, rede venda ANTA Group to’o ona loja rihun 13-resin. Tuir informasaun, atividade negósiu ne’e envolve empreza 1.000-resin iha kadeia fornesimentu no kontribui ba empregu diretu no indiretu hamutuk ema 280.000-resin.
Teknolojia ba atleta sira
Iha área tekonolojia desportu, ANTA anta aprezenta ekipamentu ne’ebé dezenvolve atu hatán ba nesesidade atleta profisionál sira.
Entre sasán sira ne’ebé hatudu maka vestuáriu ba atleta patinajen velosidade iha pista badak Xina nian. Materiál ne’e dezenvolve atu aumenta produsaun atleta hasoru risku korta husi lámina patinajen.
Tuir matadalan, material ne’ebé uza oferese rezisténsia tesi nivel 4 no maizumenus dala 15 forte liu duké arame besi.
ANTA mós hatudu sapatu ba levantamentu pezu (hit besi) ne’ebé dezenvolve atu fó estabilidade durante atleta hasa’e pezu sira.
Iha área korida, grupu ne’e aprezenta sapatu ultraleve ho todan besik grama 99 ba medida 41. Teknolojia seluk ne’ebé aprezenta maka xapa karbonu ho komprimentu tomak iha sola, ne’ebé uza iha dezenvolvimentu sapatu ba korredór.
Produsaun espuma ho utilizasaun nitrojéniu mós sai parte ida husi teknolojia ne’ebé aprezenta, ho objetivu atu muda karaterístika pezu no estrutura sola sapatu.
Patente liu 7.600
Dezenvolvimentu teknolójiku iha setór desportu depende mós ba investimentu ha peskiza no inovasaun.
Tuir informasaun aprezenta durante vizita, ANTA iha totál kumulativu patente liu 7.600 ne’ebé kobre patente kona-ba dezeñu, teknolojia produtu nian, no inovasaun.
Inovasaun ida ne’ebé hatudu maka “eskeletu artifisiál”, ba sapatu basketeból. Sistema ne’e uza komponente ho rigidez variavel atu fó apoiu ba movimentu atleta.
Tekonolojia ne’e ezenvolve iha kolaborasaun ho Akademia Siénsia Xineza no hetan apoiu husi patente 18-resin.
Iha ekipamentu basketeból, sapatu ba atleta profisionál sira dezenvolve bazeia ba dadus kona-ba movimentu no forma ain, ho objetivu atu adapta ekipamentu ba nesesidase atleta idaidak.
Inovasaun ba zero-líkidu 2050
Aleinde tekonolojia ba dezempeñu atlétiku, sustentabilidade mós nu’udar parte ida ne’ebé hetan atensaun iha dezenvolvimentu materiál desportu.
Kompañia ne’e hakarak atinje emisaun zero-líkidu to’o 2050, liuhusi dezenvolve dalan teknolójiku oioin no aumenta utilizasaun materiál naturál no renovavel sira.
Grupu ne’e mós dezenvolve hela sistema teknolojia sirkulár ida ne’ebé permite atu halo resiklajen no uza fali ba materiál sira ho valór aas liu.
Inovasaun seluk maka teknolojia kaptura karbonu. Dióksidu karbonu ne’ebé kaptura bele uza filafali hodi fabrika materiál ka produtu sira ho baze karbonu. Ezemplu, produsaun kamizola ida de’it tuir relatóriu uza maizumenus grama 100 hosi dióksidu karbonu ne’ebé kaptura.
ANTA mós kontinua esplora utilizasaun fibra karbonu no materiál inovativu oioin seluk iha dezenvolvimentu roupa desportiva no sapatu desportu nian.
Kompañia iha relasaun kle’ur ho desportu xinés no fornese ona ekipamentu ba atleta sira ba Jogu Olímpiku oioin.
Ezemplu ida maka hatais iha pódiu ba Olimpíada Paris 2024, ne’ebé kahur teknolojia ho elementu sira kultura xineza nian. Dezeñu ne’e iha padraun sira ne’ebé hanesan ho eskala dragaun nian, enkuantu detalle balun hetan inspirasaun husi forma dragaun nia ulun.
Inovasaun sira ne’ebé hatudu iha ANTA nia Sentru iha Jinjiang destaka empreza nia transformasaun husi negósiu família nian iha Quanzhou ba iha negósiu desportu globál, enkuantu subliña nia aumentu investimentu iha peskiza, teknolojia desportu, produtu sira ba atleta profisionál sira, no dezenvolvimentu husi materiál sira ne’ebé sustentavel liu.
Jornalista: Arminda Fonseca
Editora: Maria Auxiliadora
Vizita ne’e fó oportunidade ba jornalista sira atu haree diretamente atividade peskiza, dezenvolvimentu produtu no teknolojia ne’ebé uza iha indústria desportu, inklui teknolojia ba atleta profisionál no materiál ne’ebé konsidera impaktu ambientál.
ANTA hahú nia atividade hanesan negósiu família iha Quanzhou iha 1982 no lansa marka ofisialmente iha 1991. Tuir informasaun ne’ebé aprezenta, negósiu ne’e dezenvolve sai grupu ho atividade iha merkadu desportu internasionál.
Iha tinan 2007, ANTA rejista iha Bolsa Valór Hong Kong, no durante tinan sira tuirmai kontinua aumenta númeru marka no negósiu iha setor desportu. Iha 2019, grupu ne’e kompleta akizisaun ba Amer Sports, enkuantu Amer Sports sai empresa públika iha Bolsa Valór Nova Iorke iha tinan 2024.
Tuir dadus aprezenta durante vizita, reseita ANTA Group iha semestre dahuluk 2026 atinji RMB billaun 43,51, enkuantu Amer Sports rejista reseita besik US$ billaun 3,578.
Iha Xina, rede vendas ANTA Group to’o ona liu loja 13.000. Tuir informasaun grupu nian, atividade negósiu ne’e mós envolve liu empreza 1.000 iha kadeia fornecementu no suporta empregu diretu no indiretu hamutuk ema 280.000 resin.
Teknolojia ba atleta
Iha área teknolojia desportu, ANTA aprezenta ekipamentu ne’ebé dezenvolve atu responde ba nesesidade espesífika atleta profisionál.
Entre ekipamentu ne’ebé aprezenta maka vestuáriu ba atleta patinajen velosidade iha pista badak. Material ne’e dezenvolve atu aumenta protesaun atleta hasoru risku korta hosi lâmina patinajen.
Tuir informasaun téknika ne’ebé aprezenta, material ne’e hetan rezisténsia tesi nivel 4 no nia rezisténsia aas liu duké material konvensionál balu.
ANTA mós aprezenta sapatu ba levantamentu pezu ne’ebé dezenvolve atu fó estabilidade durante atleta hasa’e pezu todan.
Iha área korida, grupu ne’e aprezenta sapatu ultraleve ho todan besik grama 99 ba medida 41. Teknolojia seluk ne’ebé aprezenta maka xapa karbonu ho komprimentu tomak iha sola, ne’ebé uza iha dezenvolvimentu sapatu ba korredór.
Produsaun espuma ho utilizasaun nitrojéniu mós sai parte ida hosi teknolojia ne’ebé aprezenta, ho objetivu atu muda karakterístika peso no estrutura sola sapatu.
Peskiza no patente
Dezenvolvimentu teknolojia iha setor desportu depende mós ba investimentu iha peskiza no dezenvolvimentu.
Tuir informasaun aprezenta durante vizita, ANTA iha total kumulativu patente liu 7.600, ne’ebé inklui patente kona-ba dezeñu, teknolojia produtu no invensaun.
Ida hosi teknolojia ne’ebé aprezenta maka sistema “eskeletu artifisiál” ba sapatu basketeból. Sistema ne’e uza komponenti ho rigidez variavel atu fó apoiu ba movimentu atleta.
Teknolojia ne’e dezenvolve iha kolaborasaun ho Akademia Siénsia Xineza no suporta hosi patente 18 resin.
Iha dezenvolvimentu ekipamentu basketeból, produtu ba atleta profisionál dezenvolve bazeia ba dadus kona-ba movimentu no forma ain, ho objetivu atu adapta ekipamentu ba nesesidade atleta ida-idak.
Sustentabilidade ambientál
Aleinde teknolojia ba dezempeñu atlétiku, sustentabilidade mós sai área ida ne’ebé hetan atensaun iha dezenvolvimentu materiál desportu.
Tuir informasaun ne’ebé aprezenta, ANTA iha objetivu atu atinji emisaun zero-líkidu to’o 2050, liuhosi aumenta utilizasaun materiál renovável, materiál ho baze bio no fibra hosi du’ut-tasi.
Grupu ne’e mós esplora teknolojia sirkulár atu permite materiál sira resikla no uza filafali, ho objetivu atu hamenus desperdísiu hosi produsaun.
Teknolojia kaptura karbonu mós sai parte hosi peskiza ne’ebé aprezenta. Dióksidu karbonu ne’ebé kaptura bele uza filafali hanesan matéria-prima ba produsaun materiál sira.
Tuir ezemplu ne’ebé aprezenta durante vizita, utilizasaun karbonu kapturadu bele aplika iha produsaun roupa desportiva.
Dezenvolvimentu materiál no teknolojia ne’ebé orienta ba sustentabilidade hatudu mudansa iha indústria desportu, ne’ebé agora la’ós foka de’it ba dezempeñu atleta, maibé mós ba impaktu ambientál hosi produsaun.
Vizita delegasaun mídia ASEAN ba sentru ANTA iha Jinjiang hala’o nu’udar parte hosi atividade Workshop Mídia ASEAN iha Fujian, ho objetivu atu fó oportunidade ba mídia hosi nasaun ASEAN sira atu haree dezenvolvimentu indústria no teknolojia iha provínsia ne’e.
Jornalista: Arminda Fonseca
Editora: Maria Auxiliadora
