Suku Bibileo konklui ona konstrusaun estrada betaun
VIKEKE, 22 Setembru 2026 (TATOLI)—Xefe Suku Bibileo, Postu Administrativu Vikeke Vila, Munisípiu Vikeke, Moises A. D. C. Pinto, informa konstrusaun estrada betaun husi Programa Nasionál Dezenvolvimentu Suku (PDNS) iha Suku Bibileo konklui ona no komunidade sira hahú asesu.
“Obra PNDS ba tinan 2026 nian ami tau prioridade ba estrada betaun ne’e. Nune’e, daudaun ne’e ita-nia komunidade iha Suku Bibileo asesu ona,” Moises A. D. C. Pinto hateten ba TATOLI, iha Postu Vikeke Vila, Tersa ne’e.
Autoridade Komunitária Suku Bibileo ne’e subliña estrada ne’e lokaliza iha Suku Bibileo laran ho distánsia metru 400-resin cor ho simente no nian luan metru haat (4).
“Ami-nia obra konstrusaun estrada betaun ne’e ami konklui 100% ona. Liga ba estrada ne’e,” nia hato’o.
Obra PNDS ba konstrusaun estrada betaun iha Suku Bibileo gasta rihun $2. Entretantu, estrada sirtu ne’e sei benefísia populasaun Suku Bibileo hamutuk aldeia ualu (8), ho totál populasaun hamutuk 3.156.
Jornalista: Vitorino Lopes da Costa
Editór: Xisto Freitas da Piedade
