Trimestre daruak, DNTT rejista motorista 161 komete infrasaun iha sistema semáforu modernu
DILI, 22 Setembru 2026 (TATOLI)—Dirasaun Nasionál Transporte Terreste (DNTT) liuhusi Seksaun Manutensaun Sinál Tránzitu, iha trimestre daruak, sira rejista motorista hamutuk 161 mak komete infrasaun iha implementasaun sistema semáforu modernu iha Kolmera, Bebora, Kaikoli no Timor Plaza oin.
Xefe Seksaun Manutensaun Sinál Tránzitu, João Eugénio da Silva, hateten motorista hirak-ne’ebé halo infrasaun iha trafic light (semáforu) ne’ebé sira estabeles iha fatin haat ne’e hamutuk 161, kompostu husi viatura karreta no motorizada.
“Infrasaun ne’ebé motorista sira komete liuhusi tipu sira hanesan kontra zebra cross, trafic light seidauk matak sira movimentu ona, balun la uza kapasete, pasajeiru sira tara-an iha mikrolete no balun halimar telemovel iha trafic light (lampu merah),” Xefe Seksaun ne’e relata b Agência Tatoli iha nia kna’ar fatin, Balide, ohin.
Nia dehan, hafoin sira identifika infrasaun sira-ne’e iha motorista balun mak selu ona tanba sira mai trata dokumentu inspesaun iha DNTT, enkuantu seluk ne’ebé seidauk seluk tanba sira seidauk mai trata sira-nia dokumentu viatura nian.
“Kona-ba multa ba tipu infrasaun ne’e la hanesan. Ba hirak-ne’ebé kontra trafic light (lampu merah) selu $45.00, lauza kapasete $130.00, para iha zebra cross leten selu $30.00 no motorista mimrolet lauza farda selu $30.00,” nia informa.
Nia hatutan, iha fulan-Setembru ne’e sira mós prende viatura hamutuk 37 kompostu husi motorizada no karreta ne’ebé para iha liman loos tanba ita movimentu husi liman karuk entaun labele para iha liman-loos (sinlál tránzitu) no para iha trotoar leten, ne’e sei multa $45.00.
“Nune’e, hahú husi fulan-Jullu to’o Agostu, ami konsege rekolla ona reseita infrasaun hamutuk $20.250,00, ne’e seidauk kompleta ho fulan-Setembru nian tanba trimestre daruak nian seidauk ramata,” nia dehan.
Jornalista : Alexandra da Costa
Esitór : Cancio Ximenes
