Janeiru-Agostu, DNTT prodús ona karta kondusaun foun hamutuk 7.334
DILI, 23 Setembru 2026 (TATOLI)—Dirasaun Nasionál Transporte Terrestre (DNTT) liuhusi Departamentu Títulu Kondusaun iha Janeiru to’o Agostu 2026 ne’e, sira prodúss ona karta kondusaun foun ba motorizada no karreta hamutuk 7.334
“Karta kondusaun foun hsmutuk 7.334, komposty husi karreta iha 3.230 no motorizada iha 4.104,” Xefe Departamentu Títulu Kondusaun, Martinho Pereira Soares, hateten ba Agência Tatoli liuhusi telefónika, ohin.
Nia hatutan, kona-ba motorista sira-ne’ebé halo renovasaun ba sira-nia karta kondusaun ne’ebé espiradu ona ne’e, iha fulan-Janeiru to’o Agustu hamutuk 11.324 no totál motorista sira-ne’ebé mak lapasa iha ezame hodi hein atu tuir fali ezame ne’e hamutuk 43.
“Enkuantu kona-ba karta kondusaun foun biométrika uza kódiu QR ne’ebé mak entrega ona ba kliente sira-ne’e, ita hahú implementa iha fulan-Juñu to’o Agustu 2026 ne’e hamutuk 7.184,” nia informa.
Tanba ne’e, nia énfaze katak husi totál karta kondusaun ne’ebé sira prodús ona iha tinan 2026 nian ne’e, sira konsege rekolla reseita hamutuk $135.327,00.
Jornalista : Alexandra da Costa
Editór : Cancio Ximenes
